'બુલબુલ'નું ટ્રેલર રિલીઝઃ અપરાધ, સસ્પેન્સ અને પ્રેમથી ભરપૂર

અનુષ્કા શર્માના પ્રોડક્શનમાં બનેલી બીજી વેબ સિરીઝ 'બુલબુલ'નું ટ્રેલર રિલીઝ કરવામાં આવ્યું છે. બુલબુલ એક રહસ્યમય, થ્રિલર કથા છે. જેમાં અવિનાશ તિવારી, ત્રૃપ્તિ ડિમરી, પાઓલી ડેમ અને પરમબ્રત ચેટર્જી અને રાહુલ બોઝ મુખ્ય ભૂમિકામાં જોવા મળશે. આ ફિલ્મ 24 જૂને નેટફ્લિક્સ પર રિલીઝ થશે.

મુંબઇ: અનુષ્કા શર્મા આજકાલ પ્રોડક્શનમાં હાથ અજમાવી રહી છે. 'પાતાલ લોક'ની સફળતા બાદ અનુષ્કા તેના બીજા પ્રોજેક્ટ માટે તૈયાર છે.

તેની બીજી વેબ સીરીઝ 'બુલબુલ'નું ટ્રેલર રિલીઝ થઇ ગયું છે. અલૌકિક થીમ પર આધારિત આ સિરીઝ, ગુના, રહસ્યમયતા, પ્રેમથી ભરપૂર છે.

અનુષ્કાએ તેના સોશિયલ મીડિયા હેન્ડલ પર 'બુલબુલ'નું ટ્રેલર રિલીઝ કરતી વખતે કેપ્શનમાં લખ્યું હતું કે, "બાળપણમાં સૂતી વખતે જે વાર્તાઓ સાંભળી હોય તે સાચી છઇ જાય તો શું થાય. બુલબુલની વાર્તા બંગાળની 19 મી અને 20 મી સદીની પૃષ્ઠભૂમિ પર આધારિત છે.

તેના લેખક અને દિગ્દર્શક છે અનવિતા દત્તા છે, જે આ ફિલ્મ સાથે ડિરેક્શનની દુનિયામાં પ્રવેશ કરી રહી છે. આ સિવાય ફિલ્મના મુખ્ય પાત્રો વિશે વાત કરવામાં આવે તો તેમાં ત્રૃપ્તિ ડિમરી, અવિનાશ તિવારી અને રાહુલ બોઝ મહત્વની ભૂમિકામાં છે. તેમની સાથે પરમબ્રાત ચેટર્જી અને પાઉલી દામ સહાયક ભૂમિકામાં જોવા મળશે.

આ ફિલ્મ વિશે વાત કરતાં અનુષ્કાએ કહ્યું હતું કે 'બુલબુલ'ની વાર્તા સાંભળતાની સાથે જ તે તરત જ તેને પ્રોડ્યુસ કરવા માંગતી હતી.

'બુલબુલ' 24 જૂને નેટફ્લિક્સ પર રિલીઝ થશે.