સિનેમાના માધ્યમથી અમારે મજબૂત અને સશક્ત મહિલાઓના પાત્રોને જીવંત કરવા છે: અનુષ્કા શર્મા

ડિજિટલ પ્લેટફોર્મ પર રિલીઝ થયેલી અનુષ્કા શર્માની ફિલ્મ ‘બુલબુલ’ને લઈને દર્શકો તરફથી સકારાત્મક પ્રતિભાવ મળી રહ્યા છે ત્યારે આ અંગે અનુષ્કાનું કહેવું છે કે તે સિનેમાના માધ્યમથી હંમેશા મજબૂત, સશક્ત સ્ત્રીપાત્રો દર્શાવવા માંગે છે. અને ‘બુલબુલ’ આ જ પ્રયાસનો એક ભાગ છે.

મુંબઈ: અનુષ્કા શર્મા અને તેના ભાઈ કરનેશ શર્માનુ પ્રોડક્શન હાઉસ ‘ક્લીન સ્લેટ ફિલ્મ્સ’ હેઠળ બનેલી નેટફ્લિક્સ ડિજિટલ રિલીઝ ‘બુલબુલ’ ને દર્શકો પસંદ કરી રહ્યા છે. ત્યારે આ અંગે અનુષ્કાએ પોતાની પ્રતિક્રિયા આપી હતી.

અનુષ્કાએ જણાવ્યું, "એક દિવસ ક્લીન સ્લેટ ફિલ્મ્સની પોતાની આગવી શૈલી હશે. અમે હંમેશા એવી ફિલ્મો બનાવવા માંગતા હતા કે જેની કથા મહિલાઓ અને તેમના સાહસ પર આધારિત હોય. અમે સિનેમાના માધ્યમ દ્વારા મજબૂત અને સશક્ત સ્ત્રીપાત્રો ને દર્શાવવા માંગીએ છીએ.

અમને ગર્વ છે કે અમારા બંને પ્રોજેક્ટ્સ 'પાતાલ લોક' અને ‘બુલબુલ’ને દર્શકો તરફથી પસંદ કરવામાં આવી રહ્યા છે. "

ઉલ્લેખનીય છે કે અનુષ્કા તેના પ્રોજેક્ટ્સ દ્વારા અનેક નવી પ્રતિભાઓને તક આપી રહી છે.