'ગુલાબો સિતાબો'ના શૂટીંગથી બિગ-બીએ શેર કરી આ દિલચસ્પ તસવીર

અમિતાભ બચ્ચને તેની આગામી ફિલ્મ 'ગુલાબો સિતાબો'ના શૂટિંગના સમયની તસવીર શેર કરી છે. જેમાં એક મહિલા અમિતાભની આઇબ્રો ઠીક કરી રહી છે. તસવીર સાથેના કેપ્શનમાં બિગ બીએ એક રસપ્રદ વાત શેર કરી છે. અભિનેતાએ કહ્યું હતું કે," બંને આઇબ્રો વચ્ચેની ખાલી જગ્યાને શું કહેવામાં આવે છે."

મુંબઈ: બોલિવૂડ સુપરસ્ટાર અમિતાભ બચ્ચનની આગામી ફિલ્મ 'ગુલાબો સિતાબો' ટૂંક સમયમાં ઓટીટી પ્લેટફોર્મ પર રિલીઝ થવાની છે.ફિલ્મના સ્ટાર્સ સોશિયલ મીડિયા દ્વારા તેના પ્રમોશનમાં લાગ્યા છે. તેમજ શૂટિંગના સમયના ફોટા પણ શેર કરવામાં આવે છે. હવે બિગ બીએ પણ એક ફોટો શેર કર્યો છે.

આ ફોટો 'ગુલાબો સિતાબો'ના સેટનો છે અને તે સમયનો છે, જ્યારે અમિતાભ મેકપ ટચઅપ લેતા હતા. તમે જોઈ શકો છો કે એક મહિલા અમિતાભની આઇબ્રો ઠીક કરી રહી છે.

આ ફોટો શેર કરતી વખતે બિગ બીએ એક રસપ્રદ વાત જણાવી છે. તેણે કહ્યું હતું કે," બંને આઇબ્રો વચ્ચેની ખાલી જગ્યા શું છે." તેમણે લખ્યું, "ભમર વચ્ચેની જગ્યાને શું કહેવામાં આવે છે? તમે જાણો છો? તેને GLABELLA કહેવામાં આવે છે."

તમને જણાવી દઈએ કે ફિલ્મનું મજેદાર ટ્રેલર રિલીઝ કરવામાં આવ્યું છે, જેને દર્શકોએ ખૂબ પસંદ કર્યું હતું. ફિલ્મમાં આયુષ્માન ખુરાના અમિતાભ બચ્ચન સાથે મહત્વની ભૂમિકામાં જોવા મળશે.