અભિનેત્રી ફેરેરાએ કહ્યું કે, કોરોના વાઇરસ મહામારી વચ્ચે બાળકને જન્મ આપતા ચિંતિત હતી

અભિનેત્રી અમેરિકા ફેરેરાએ તાજેતરના પોડકાસ્ટમાં ખુલાસો કર્યો હતો કે પુત્રી લૂસિયાને જન્મ આપતી વખતે તેને કોરોના વાઇરસ મહામારી વિશે ઘણી ચિંતાઓ હતી. અભિનેત્રીએ કહ્યું કે આને અવગણવા માટે તેણે સમાચારોથી પોતાને સંપૂર્ણ રીતે દૂર કરી દીધી હતી.

લોસ એન્જલસ: અભિનેત્રી અમેરિકા ફેરેરાએ સ્વીકાર્યું કે, તે કોરોનો વાઇરસ રોગચાળા દરમિયાન બાળકને જન્મ આપવાની બાબતમાં ખૂબ જ નર્વસ અને ચિંતિત હતી.શો 'અગલી બેટ્ટી' માં તેની ભૂમિકા માટે લોકપ્રિય ફેરેરાએ આ મહિનાની શરૂઆતમાં તેના બીજા સંતાન, લુસિયા મેરીસોલને જન્મ આપ્યો હતો.

હોલિવૂડ મીડિયા રિપોર્ટ્સ અનુસાર, 'કેટીસ ક્રિબ' પોડકાસ્ટના એક એપિસોડમાં, ફેરીરાએ સ્વીકાર્યું કે, ગર્ભાવસ્થા દરમિયાન ગભરામણ ન થાય તે માટે તેણે સમાચારો સાથેના સંબંધો તોડી નાખ્યા હતા.તેમણે કહ્યું, 'હું માત્ર એટલું જાણું છું કે મારે મારું ફિલ્ટર લગાવવું હતું, કારણ કે મારી પાસે તે જોવાની ભાવનાત્મક ક્ષમતા ન હતી. મને સમજાયું કે તે ખરેખર ખૂબ જ ઝડપથી મારી પર અસર કરી રહ્યું છે.

તેમણે યાદ કરતાં કહ્યું, 'હું મારા ધબકારા અને મારી ચિંતા અને મારા બ્લડપ્રેશર આ બધું જ વધી રહ્યું હતું અને આ બાબતો મારા પર અસર કરી રહી હતી. હું રાત્રે આંખો બંધ કરી શકતી ન હતી, કારણ કે મારા મગજમાં બધા જ સમાચારો ફરતા હતા.'

અભિનેત્રીએ આગળ કહ્યું કે " મને ડર પણ હતો કે ડિલિવરી દરમિયાન મારા બાળકને આ બિમારીનો ચેપ ન લાગે."