મુંબઇઃ અભિનેતા રણબીર કપૂરની બહેન રિદ્ધિમા કપૂરે પોતાના સોશિયલ મીડિયા હેન્ડલ પર અમુક ફોટાઓ શેર કર્યા છે. જેમાં આલિયા તેના પુરા પરિવાર સાથે મસ્તી કરતી જોવા મળી રહી છે.
પોતાના ઇન્સ્ટાગ્રામથી ફોટા શેર કરતા રિદ્ધિમાએ લખ્યું કે, 'માય કમ્ફર્ટ ઝોન'.
આ શેર કરેલા ફોટામાં આલિયા, રણબીર કપૂર, શાહીન ભટ્ટ, સોની રાજદાન અને નીતૂ કપૂર સાથે જોવા મળે છે. આ ફોટોઝને જોઇને લાગી રહ્યું છે કે, બધા જ એકબીજા સાથે ક્વોલિટી ટાઇમ સ્પેન્ડ કરી રહ્યા છે.
વધુમાં જણાવીએ તો હાલમાં જ દિવંગત અભિનેતા ઋષિ કપૂરનું નિધન થયું છે. લોકડાઉનને કારણે તેની દિકરી રિદ્ધિમા કપૂર તેના અંતિમ દર્શનમાં સામેલ થઇ શકી ન હતી.
જો કે, બાદમાં તે પોતાની મા પાસે મુંબઇ આવી અને તેમની સાથે સમય વિતાવી રહી છે.
ઋષિ કપૂરના આ દુનિયામાંથી ગયા બાદ તે સતત તેમને યાદ કરી રહી છે. હાલમાં જ ઋષિ કપૂરનો ફોટો શેર કરતાં રિદ્ધિમાએ લખ્યું કે, એક મહાન આત્મા ક્યારેય મરતી નથી.
રિદ્ધિમા ઉપરાંત આલિયા ભટ્ટ, નીતૂ કપૂર સહિત પણ તેના પરિવારના કેટલાય સભ્યોએ ઋષિ કપૂરના ગયા બાદ તેમના ફોટાને શેર કરીને તેમને યાદ કર્યા હતા.
