મુંબઇ: બોલિવૂડ એક્ટ્રેસ આલિયા ભટ્ટ તેમના જોરદાર અભિનયને કારણે દરેકના દિલ પર રાજ કરે છે. આ દિવસોમાં આલિયાનો એક વીડિયો સોશિયલ મીડિયા પર ખૂબ વાયરલ થયો હતો. જેને તેના ચાહકો ખૂબ પસંદ કરી રહ્યા છે.
આ વીડિયો તે સમયનો છે જ્યારે અભિનેત્રી માત્ર 8 વર્ષની હતી. વીડિયોમાં પૂજા ભટ્ટ, સોની રઝદાન અને મહેશ ભટ્ટ પણ હાજર છે. ત્યારબાદ આલિયા અને શાહીન સ્ટેજ પર આવે છે. જ્યારે શોના હોસ્ટ તેમને પૂછે છે કે જ્યારે તમે મોટા થશો ત્યારે આલિયા શું બનવા માંગે છે, ત્યારે 8 વર્ષની આલિયા કહે છે, "હું એક અભિનેત્રી બનીશ." તે જ સમયે, જ્યારે શાહીનને પૂછવામાં આવે છે કે તે જ્યારે મોટી થાય છે ત્યારે તે શું બનવા માંગે છે, ત્યારે શાહીન કહે છે કે તે એકટ્રેસ જરાય બનવા માંગતી નથી.
શાહીન ભટ્ટ વીડિયોમાં કહે છે કે, તે એક લેખક બનવા માંગે છે. આલિયાના બાળપણનો આ વીડિયો ખૂબ વાયરલ થઈ રહ્યો છે અને લોકો તેની પર ઘણી પ્રશંસા કરી રહ્યા છે.
આલિયા આજકાલ ફિલ્મ ઇન્ડસ્ટ્રીની સૌથી સફળ અભિનેત્રીઓમાંની એક છે. આલિયાએ કરણ જોહરની 'સ્ટુડન્ટ ઓફ ધ યર'થી બોલિવૂડમાં એન્ટ્રી કરી હતી. આ ફિલ્મમાં અભિનેતા વરૂણ ધવન અને સિદ્ધાર્થ મલ્હોત્રાએ પણ આલિયા સાથે ડેબ્યૂ કર્યું હતું. આ પછી, અભિનેત્રીએ પોતાના સશક્ત પાત્રોને લઈને ઘણી ફેમસ બની હતી.. 'રાઝી' થી 'ગલી બોય' અને શાહરૂખ ખાન સાથેની ફિલ્મ 'ડિયર જિંદગી' સુધીની આલિયાએ ઘણી સફળતા મેળવી.
તે જ સમયે, વર્ક ફ્રટ વિશે વાત કરે, તે ટૂંક સમયમાં રણબીર કપૂર સાથે 'બ્રહ્માસ્ત્ર'માં જોવા મળશે. આ ફિલ્મમાં તેની સાથે બોલિવૂડ સુપરસ્ટાર અમિતાભ બચ્ચન પણ જોવા મળશે. આ સિવાય આલિયા ફિલ્મ ગંગુબાઈ કાઠિયાવાડીમાં પણ મુખ્ય ભૂમિકા નિભાવતી જોવા મળશે.
