અજય દેવગણને 'આરોગ્ય સેતુ'ના રુપમાં મળ્યો પર્સનલ બૉડીગાર્ડ, PMએ કહ્યું- થેન્કયુ

બૉલિવૂડના સિંઘમે ભારત સરકાર દ્વારા કોરોના વાઇરસથી બચવા માટે લૉન્ચ કરેલી 'આરોગ્ય સેતુ' ઍપનો પ્રચાર કરતા એક મજેદાર વીડિયો શેર કર્યો હતો. જેમાં તે જણાવે છે કે, 'સેતુ' કઇ રીતે ભારતીયોનો પર્સનલ બૉડીગાર્ડ છે.

મુંબઇઃ અજય દેવગને ભારત સરકાર દ્વારા કોરોના વાઇરસથી સંબંધિત લૉન્ચ કરેલી 'આરોગ્ય સેતુ' ઍપનો ઉપયોગ કરવાની અપીલ કરતો એક મજેદાર વીડિયો શેર કર્યો હતો.

આ વીડિયોમાં અભિનેતા જીમમાં વર્ક આઉટ કરી રહ્યા છે, ત્યારે તેના જેવો જ દેખાતો વ્યક્તિ તેના બૉડીગાર્ડના રુપે મળે છે. અજય પૂછે છે, 'તમે કોણ છો?'

જેનો જવાબ આપતા તે કહે છે, 'હું સેતુ તમારો પર્સનલ બૉડીગાર્ડ' તેના પર અજય કહે છે, 'મારી પાસે પહેલેથી જ બૉડીગાર્ડ છે, મને કોઇની જરુર નથી.' જેનો જવાબ આપતા સેતુ કહે છે, 'હું અલગ રીતનો બૉડીગાર્ડ છું સર, હું તમને કોરોના વાઇરસથી બચાવીશ.'

જે બાદ તે બૉડીગાર્ડ અજયને પોતાની બધી જ વિશેષતાઓ વિશે જણાવે છે અને અંતમાં તે ગાયબ થઇને અજયના ફોનમાં 'આરોગ્ય સેતુ' ઍપ બની જાય છે.

અજય અંતમાં અપીલ કરે છે કે, તમે અને તમારા પરિવારની રક્ષા માટે આરોગ્ય સેતુ ઍપ પણ ડાઉનલોડ કરો.

અભિનેતાના આ મજેદાર વીડિયો પ્રમોશનની વડાપ્રધાન મોદીએ પણ પ્રશંસા કરી અને કહ્યું- 'સાચું કહ્યું @ajaydevgan. આરોગ્ય સેતુ આપણને અને આપણા પરિવારને તેમજ રાષ્ટ્રની સુરક્ષા કરે છે.'

અજયે સલમાન ખાન, અમિતાભ બચ્ચન, અક્ષય કુમાર, કાજોલ દેવગન અને રણવીર સિંહને પણ આ ઍપનો ઉપયોગ કરવા માટે ટૅગ કર્યા છે.