મુંબઈ: એસ એસ રાજામૌલીની મોટાપાયે બની રહેલી ફિલ્મ RRR આ વર્ષની મોસ્ટ અવેઇટેડ ફિલ્મોમાંની એક છે. હાલમાં કોરોના વચ્ચે ટ્રાયલ શૂટિંગ કરવાનુ નક્કી થતાં આ ફિલ્મે લોકોનું ધ્યાન કેન્દ્રિત કર્યું હતું. પરંતુ હૈદરાબાદમાં કોરોના કેસની સંખ્યામાં વધારો થતાં શૂટિંગ કેન્સલ થયું હતું.
હવે આ ફિલ્મની પટકથા અને અજય દેવગણની ભૂમિકા લઈને એક મહત્વની વાત સામે આવી છે. આ ફિલ્મ ભારતના બે બહાદુર સ્વાતંત્ર્ય સેનાનીઓ અલ્લુરી સીતારામ અને કોમારામ ભીમ વિશે છે જેમાં 1920નો આઝાદી પહેલાંનો સમયગાળો દર્શાવવામાં આવશે.