નવી દિલ્હી: ટાટા ગ્રુપમાં એર ઈન્ડિયાની ઘર વાપસી (Air India Ownership Transfer)ના સમાચાર બાદ બોલિવૂડના શહેનશાહ અમિતાભ બચ્ચન નોસ્ટાલ્જિક થઈ ગયા હતા. તેમને તેમના કોલેજના દિવસો યાદ આવી ગયા, જ્યારે તેઓ દિલ્હી યુનિવર્સિટી જતા સમયે કનોટ પ્લેસમાં એર ઈન્ડિયાની જાહેરાત (Air India Advertisement) જોતા હતા.
અમિતાભ કૉલેજ જતા ત્યારે રસ્તામાં જોવા મળતી એર ઇન્ડિયાની એડ
પોતાના ટ્વીટ (Aamitabh bachchan tweets)માં આનો ઉલ્લેખ કરતા અમિતાભ બચ્ચને લખ્યું કે, 'એર ઈન્ડિયા ટાટા સાથે પાછું આવ્યું..અને મને 50ના દાયકાની નવી દિલ્હીમાં કનોટ પ્લેસ બિલ્ડિંગ (Connaught Place delhi) પરની બેનર જાહેરાત યાદ છે. જ્યારે હું યુનિવર્સિટીમાં જતો ત્યારે ત્યાંથી પસાર થતો હતો. જાહેરાતમાં વાંચવામાં આવતું હતું કે, ધેર ઇઝ એન એર અબાઉટ ઇન્ડિયા. તેમણે ટ્વીટમાં આ જાહેરાત બનાવનાર બોબી કૂકાને પણ યાદ કર્યા અને લખ્યું – બોબી કૂકા એટ હિઝ બેસ્ટ.
આ પણ વાંચો:એર ઇન્ડિયાના નવા 'મહારાજા' ટાટા સન્સ, 18,000 કરોડની બોલી લગાવીને જીતી નીલામી
બોબી કૂકા એર ઇન્ડિયાના કોમર્શિયલ ડિરેક્ટર હતા
ઉલ્લેખનીય છે કે અમિતાભ બચ્ચન દિલ્હીની કિરોડી મલ કોલેજ (kirori mal college delhi)ના વિદ્યાર્થી રહી ચૂક્યા છે. બોબી કૂકા એર ઈન્ડિયાના કોમર્શિયલ ડિરેક્ટર હતા. તેમણે એરલાઇનની પ્રખ્યાત અને સરળતાથી ઓળખી શકાય તેવા મસ્કત 'મહારાજા' પસંદ કર્યા હતા. 'મહારાજા'નું સ્કેચ એકવાર HTA કલાકાર ઉમેશ રાવે એક લેટરહેડના ખૂણા પર ખેંચ્યું હતું. આ સ્કેચમાં JRD ટાટાના સારા મિત્ર કુકાએ અપાર સંભાવનાઓ જોઈ હતી.
આ પણ વાંચો:સરકાર આજે એર ઇન્ડિયા માટે બિડ ખોલશે
1946માં એર ઇન્ડિયા લિમિટેડ નામ રાખવામાં આવ્યું
ઉલ્લેખનીય છે કે, 1932માં જેઆરડી ટાટાએ એર ઈન્ડિયાની શરૂઆત (Launch of Air India) કરી હતી, પરંતુ તે સમયે તેનું નામ ટાટા એરલાઇન હતું. બીજા વિશ્વ યુદ્ધ પછી, 29 જુલાઈ 1946ના રોજ ટાટા એરલાઈનનું નામ બદલીને એર ઈન્ડિયા લિમિટેડ રાખવામાં આવ્યું. વર્ષ 1947માં ભારત સરકારે એર ઈન્ડિયામાં 49 ટકા ભાગીદારી લીધી હતી. અહીંથી એર ઈન્ડિયામાં સરકારી હસ્તક્ષેપ (Government intervention in Air India) શરૂ થયો.
1953માં એર ઇન્ડિયાનું રાષ્ટ્રીયકરણ કરવામાં આવ્યું
1948માં એર ઈન્ડિયાએ મુંબઈ અને લંડન વચ્ચે આંતરરાષ્ટ્રીય ફ્લાઈટ શરૂ કરી. એર કોર્પોરેશન એક્ટ હેઠળ 1953માં તેનું રાષ્ટ્રીયકરણ કરવામાં આવ્યું હતું, પરંતુ જેઆરડી ટાટા 1977 સુધી તેના ચેરમેન રહ્યા હતા. ખોટમાં ગયા પછી, ભારત સરકારે તેના વિનિવેશની પ્રક્રિયા શરૂ કરી. ટાટા સન્સે આ માટે 18 હજાર કરોડની બોલી લગાવી હતી. ત્યારબાદ એર ઈન્ડિયાની કમાન ટાટા સન્સની એકમ ટેલેસ પ્રાઈવેટ લિમિટેડને સોંપી દેવામાં આવી.
