દીપિકા પદુકોણના ટ્રેનર પાસેથી તમે પણ લઈ શકો છો ફિટનેસ ટિપ્સ!

એક્ટ્રેસ દીપિકા પદુકોણને પણ ફિટનેસ પ્રેમીઓની યાદીમાં સામેલ કરી શકાય છે. હવે તમે પણ તેમના ફિટનેસ ટ્રેનર પાસેથી ફીટનેસ ટીપ્સ લઈ શકો છો. કેવી રીતે તે જાણીએ..

મુંબઇ: ફિટનેસ પ્રેમીઓ હવે દીપિકા પદુકોણના પર્સનલ ટ્રેનર નેમ વૂક પાસેથી ફીટનેસ ટીપ્સ લઈ શકે છે. આ માટે, તેઓએ એયરબીએનબી 'એટ હોમ વિથ એયરબીએનબી' પહેલ સાથે જોડાવું પડશે. વૂક તમને કહેશે કે, ફક્ત તમારા શરીરના વજનનો ઉપયોગ કરીને તમે ઘરે કેવી રીતે ફિટ રહી શકો છો.

INAS લાઇફે નેમ વૂક સાથે વાતચીત કરી, જે અન્ડર આર્મર ઇન્ડિયાના બ્રાન્ડ એમ્બેસેડર પણ છે. જ્યારે તેમને પૂછવામાં આવ્યું કે, લોકડાઉનમાં લોકો ફિટનેસ અને જીમિંગ પર ફરી વિચાર કરી રહયા છે. આ અંગે તમે શું કહેશો? જવાબમાં તેમણે કહ્યું કે, "આ લોકડાઉન આપણા દરેક માટે એક સંપૂર્ણપણે નવી પરિસ્થિતિ છે. સાવચેતી રૂપે લગાવેલા પ્રતિબંધો ફિટનેસ-પ્રેમીઓ માટે એક નવો પડકાર લાવ્યો છે, જો કે, આપણે નવી દિનચર્યાઓ બનાવવાની અને આપણી તંદુરસ્તી પર ધ્યાન આપવાની જરૂર છે. "

તેમણે આગળ કહ્યું કે, "ગ્રુપ ક્લાસિસને પ્રાધાન્ય આપતા લોકો માટે, અથવા ટીમમાં તેઓ પ્રેક્ટિસ કરે છે, કે તેઓ મશીન ટૂલ્સ પર નિર્ભર છે, તે લોકો માટે આ મુશ્કેલ સમય છે. આપણી આજુબાજુ જે થઈ રહ્યું છે, તે તંદુરસ્તી માટેના આપણા લક્ષ્યોને પ્રાપ્ત કરવા માટે મુશ્કેલ બનશે. તેથી, પોતાને માટે સરળ લક્ષ્યો નક્કી કરવું મહત્વપૂર્ણ છે. "

ફિટનેસ ટીપ્સ આપતા તેમણે કહ્યું કે, "દરરોજ એક કલાક ફિટનેસ માટે સમય પસાર કરવો જરૂરી નથી. તમે દર અઠવાડિયે 2-3 દિવસ ફિટનેસની રીત પણ અપનાવી શકો છો. લોકો વર્ચ્યુઅલ રીતે જોડાયેલા હોવા જોઈએ. એક બીજા સાથે અને દરેકે ફિટનેસની તાલીમ લેવી જ જોઇએ. આ આપણા માટે સ્વયંશિસ્ત છે. "