અભિનેતા સુનિલ શેટ્ટીની બિલ્ડીંગ કરવામાં આવી સીલ, કેમ..?

મુંબઈમાં કોરોના કેસ સતત વધી રહ્યા છે. આવી સ્થિતિમાં છેલ્લા 24 કલાકમાં કોરોનાના 8,535 નવા કેસ નોંધાયા છે., બીએમસી એ અભિનેતા સુનિલ શેટ્ટીની ઇમારતને સીલ કરી દીધી છે.

• સુનિલ શેટ્ટી જે બિલ્ડીંગમાં રહે છે તે બિલ્ડીંગ સીલ
• 5થી વધુ કોરોના કેસ જોવા મળ્યા
• અભિનેતાનો પરિવાર સુરક્ષા

મુંબઇ : પૃથ્વી એપાર્ટમેન્ટ બિલ્ડિંગ જ્યાં અભિનેતા સુનિલ શેટ્ટી રહે છે તે મુંબઈ કોર્પોરેશન દ્વારા સીલ કરવામાં આવ્યું છે. આ બિલ્ડિંગમાં 5 થી વધુ કોરોના દર્દીઓ મળી આવતાં બિલ્ડિંગને સીલ કરી દેવામાં આવ્યું હતું. આ બિલ્ડિંગ દક્ષિણ મુંબઇના ઓલ્ટામોન્ટ રોડ પર સ્થિત છે પરંતુ સુનિલ શેટ્ટીના મકાનમાં કોઈ કોરોના પોઝિટિવ નથી.

5થી વધુ કેસ આવતા બિલ્ડીંગ સીલ

બિલ્ડિંગમાં કોરોનાના ઘણા કિસ્સા સામે આવ્યા બાદ બીએમસીએ આ પગલું ભર્યું છે. નિયમો અનુસાર, જો કોઈ પણ બિલ્ડિંગમાં પાંચ કોરોના કેસ જોવા મળે છે, તો તે સીલ થઈ જશે. તેમ જ, છેલ્લા 24 કલાકમાં મુંબઈમાં કોરોનાના 8,535 નવા કેસ નોંધાયા છે. આ દરમિયાન, 6,013 લોકોને રજા આપવામાં આવી હતી અને 156 મૃત્યુ નોંધાયા છે.

આ પણ વાંચો : અજય દેવગણ અને સોનાક્ષી સિંહાને મુખ્ય ભૂમિકામાં ચમકાવતી 'ભુજ ધ પ્રાઇડ ઓફ ઇન્ડિયા'નું ટ્રેલર રીલીઝ

પરિવાર સુરક્ષિત

બીએમસીના સહાયક કમિશનર પ્રશાંત ગાયકવાડીએ જણાવ્યું હતું કે સુનીલ શેટ્ટી અને તેમનો આખો પરિવાર સુરક્ષિત છે. આપને જણાવી દઈએ કે છેલ્લા કેટલાક દિવસોમાં મુંબઇમાં કોરોના કેસની સંખ્યામાં વધારો જોવા મળ્યો છે. આવી સ્થિતિમાં, BMC સંપૂર્ણ એક્શન મોડમાં છે.

આ પણ વાંચો : મમ્મી અનુષ્કા અને પપ્પા વિરાટના ખોળામાં રમતી જોવા મળી વામિકા