અભિષેક બચ્ચનના કો-સ્ટાર અમિત સાધનો રિપોર્ટ આવ્યો નેગેટિવ, બંનેએ સાથે ડબિંગ કર્યું હતું

બ્રીદ 2 ની રિલીઝ પહેલા અભિષેક અને અમિતે સાથે ડબિંગ કરી હતી. બંને એક્ટર્સ એક બીજાના સંપર્કમાં આવ્યા હતાં. જેને લઇને અમિતને કોરોના ટેસ્ટ કરવો પડ્યો.

મુંબઇ: શનિવારે મોડી રાત્રે સદીના મહાનાયક અમિતાભ બચ્ચન અને તેના પુત્ર અભિષેક બચ્ચનને કોરોના પોઝિટિવ હોવાની જાણકારી સામે આવી હતી, ત્યારબાદ બચ્ચન પરિવારના સંપર્કમાં આવેલા તમામ લોકોના ટેસ્ટ થયા હતાં. બ્રીદ 2 માં અભિષેક બચ્ચનની સાથે દેખાયેલો એક્ટર અમિત સાધની કોરોના રિપોર્ટ આવી ગઇ છે. જેમાં એક્ટરનો રિપોર્ટ નેગેટિવ આવ્યો છે.

આ તકે અમિતને કોરોના નેગેટિવ આવ્યો હોવાના સમાચારને લઇ દર્શકો તેમને શુભકામના પાઠવી રહ્યાં છે. બ્રીદ 2 એમેઝોન પ્રાઇમ પર 10 જૂલાઇના રોજ રિલીઝ થશે. જેમાં અભિષેક બચ્ચન, નિત્યા મેનન અને અમિત સાધ લીડ રોલમાં છે. વેબ સિરીઝમાં લોકોનો સારો રિસ્પોન્સ મળ્યો છે.