અભિનેતા વરૂણ ધવને 200 બેકગ્રાઉન્ડ ડાન્સરોના ખાતામાં પૈસા જમા કરાવ્યાં

લોકડાઉન દરમિયાન બોલિવૂડ ઇન્ડસ્ટ્રી સાથે જોડાયેલા ઘણા લોકોને ઘણી મુશ્કેલીનો સામનો કરવો પડ્યો છે. વરૂણ ધવને બોલિવુડના 200 બેકગ્રાઉન્ડ ડાન્સરના ખાતામાં સીધા પૈસા જમા કરાવીને તેમની મદદ કરી હતી. આ વાતનો ખુલાસો બેકગ્રાઉન્ડ ડાન્સર રાજ સુરાણીએ સોશિયલ મીડિયામાં કર્યો હતો.

મુંબઈ: બોલિવૂડ અભિનેતા વરૂણ ધવન તેની ફિલ્મો ઉપરાંત તેના સારા કામોના કારણે પણ ચર્ચામાં રહે છે. કોરોના વાઇરસની મહામારી દરમિયાન અભિનેતા ફિલ્મ સાથે સંકળાયેલા લોકોની મદદ માટે આગળ આવી રહ્યાં છે. વરૂણ ધવન બોલિવુડના બેકગ્રાઉન્ડ ડાન્સરોને સીધા તેમના ખાતામાં પૈસા જમા કરાવીને તેમને મદદ રુપ થાય છે.

બેકગ્રાઉન્ડ ડાન્સર રાજ સુરાનીએ તેમના ઇન્સ્ટ્રગ્રામ એકાઉન્ટ પર વરૂણ ધવનની સાથે ફોટો શેર કરીને આ વાતનો ખુલાસો કર્યો હતો.

ડાન્સર રાજ સુરાણીએ પોસ્ટમાં વાત શેર કરતા કહ્યું કે, વરૂણ જરૂરિયાતંદ લોકોને મદદ કરતા રહે છે.

આ પહેલીવાર નથી કે વરૂણ ધવને કોઇની મદદ કરી હોય. આ પહેલા પણ અભિનેતાએ કોરોનાની મહામારીને લઇને લાખોનું દાન કર્યું છે. વરૂણે પ્રવાસી શ્રમિકોને પણ ભોજન કરાવીને તેમજ તેમના ઘરે પહોંચવામાં મદદ કરીને ઘણું ઉમદા કામ કર્યું છે.