વોશિંગ્ટન: જસ્ટિન બીબર અને એરિયાના ગ્રાન્ડે કોવિડ -19 ફંડરેજર ટ્રેક 'સ્ટક વિથ યુ' ગાયું છે.જે હવે ભારતમાં લોકપ્રિય થઇ રહ્યું છે. હવે બીબીરે તેના ભારતીય ચાહકોનો આભાર માનતા સોશિયલ મીડિયા પર ગીતનું ઇન્ડિયન વર્ઝન શેર કર્યું છે.
આંતરરાષ્ટ્રીય પોપ સ્ટાર જસ્ટિન બીબરે તેના ટ્વિટર હેન્ડલ પર તાજેતરના ટ્રેક 'સ્ટક વિથ યુ' ની ઇન્ડિયન એડિશન પોસ્ટ કર્યું છે, જેમાં તે તેના તમામ ભારતીય ચાહકોનો આભાર માની રહ્યો છે.
બીબર દ્વારા શેર કરેલા વીડિયોમાં, ઘણા ભારતીય ચાહકો ગીતનું પોતાનું વર્ઝન પ્રસ્તુત કરી રહ્યાં છે અને મૂળ ટ્રેક બેકગ્રાઉન્ડમાં વગાડવામાં આવી રહ્યો છે. વચ્ચે, બીબર અને એરિયાના ગ્રાન્ડેની એક ઝલક છે.
વીડિયો શેર કરતી વખતે જસ્ટિન બીબરે લખ્યું, 'થેંક્યુ ઈન્ડિયા.'બીબર અને એરિયાના દ્વારા કંપોઝ કરવામાં આવેલા આ ગીતનો હેતુ કોરોના વાઇરસથી પ્રભાવિત લોકોને મદદ કરવા માટે ભંડોળ એકત્રિત કરવાનો હતો. આ ગીત 8 મેના રોજ સોશિયલ મીડિયા પર રિલીઝ થયું હતું. તેની વિશેષ વાત એ છે કે બંને સ્ટાર ગાયકોએ આ ટ્રેક માટે પહેલીવાર સાથે કામ કર્યું છે.