Samsung galaxy Galaxy S23 સ્માર્ટફોન ફેબ્રુઆરીમાં લોન્ચ થઈ શકે એવી શક્યતા

Samsung galaxy s23 સ્માર્ટફોન (samsung smartphone) આવતા વર્ષે ફેબ્રુઆરીના પ્રથમ સપ્તાહમાં યોજાનારી અનપેક્ડ ઇવેન્ટમાં લોન્ચ કરવામાં (Samsung Galaxy S23 launch) આવશે. આગામી સેમસંગ ગેલેક્સી શ્રેણી વૈશ્વિક સ્તરે સ્નેપડ્રેગન પ્રોસેસર દ્વારા સંચાલિત કરવામાં આવશે.

સાન ફ્રાન્સિસ્કો:ટિપસ્ટર iUniverse મુજબ, ટેક જાયન્ટે Galaxy Unpacked 2023 લોન્ચ ઇવેન્ટ શેડ્યૂલ કરી છે. જે S23 સિરીઝ માટે હોવાની સંભાવના છે. SamMobileના એક રિપોર્ટ અનુસાર આ પણ લોન્ચ તારીખ હોવાનું જણાય છે. સેમસંગ તેની આગામી ફ્લેગશિપ સ્માર્ટફોન (samsung smartphone) શ્રેણી, Galaxy S23, તારીખ 1 ફેબ્રુઆરી 2023ના રોજ લોન્ચ કરી શકે (Samsung Galaxy S23 launch) છે. જ્યારે વૈશ્વિક સ્તરે તે તારીખ 2 ફેબ્રુઆરી 2023 થવાની સંભાવના છે.

સેમસંગ કેલેક્સિ S23 સ્માર્ટફોન: એવી પણ અફવા છે કે, સત્તાવાર જાહેરાતના 2 અઠવાડિયા પછી s23 શ્રેણી મુખ્ય બજારોમાં વેચાણ માટે ઉપલબ્ધ થશે. અહેવાલમાં કહેવામાં આવ્યું છે કે, ફોન આવતા વર્ષના માર્ચના અંત સુધીમાં અન્ય બજારોમાં ઉપલબ્ધ થઈ શકે છે. આ અઠવાડિયાની શરૂઆતમાં એવું નોંધવામાં આવ્યું હતું કે, કંપનીએ તેની Galaxy S23 સિરીઝનું લોન્ચિંગ આવતા વર્ષે ફેબ્રુઆરીના મધ્યમાં મુલતવી રાખ્યું હતું. વિલંબનું કારણ એ છે કે, ટેક જાયન્ટ સ્માર્ટફોન માટે અંતિમ કિંમતનું માળખું નક્કી કરવામાં અસમર્થ હતું.

Galaxy S23 સિરીઝ: સેમસંગની આગામી નેક્સ્ટ જનરેશન ફ્લેગશિપ સ્માર્ટફોન સિરીઝ Galaxy S23માં 8K 30fps વિડિયો રેકોર્ડિંગની સુવિધા હશે. GSMArenaના રિપોર્ટ અનુસાર, સેમસંગ સાથે જોડાયેલા એક વિશ્વસનીય સૂત્રએ આ માહિતી આપી છે. અગાઉ એવી અફવા હતી કે, Galaxy S23 સિરીઝમાં ચિપ નિર્માતા ક્વાલકોમનું ત્રીજી પેઢીનું અલ્ટ્રાસોનિક ફિંગરપ્રિન્ટ સ્કેનર હશે.