સાન ફ્રાન્સિસ્કો: એલોન મસ્કની માલિકીની SpaceX એ જાહેરાત કરી છે કે, તેની સેટેલાઇટ ઈન્ટરનેટ (satellite Internet) સેવા સ્ટારલિંક ડિસેમ્બરમાં વાહનો (Recreational Vehicles) માટે ઉપલબ્ધ થશે. RVs માટે સ્ટારલિંક યુઝર્સોને ગતિમાં હોય ત્યારે હાઇ સ્પીડ, ઇન્ટરનેટની તાત્કાલિક ઍક્સેસ મેળવવાની મંજૂરી આપે છે, કોઈપણ સ્થાન પર કંપની સક્રિય કવરેજ પ્રદાન કરે છે.
સેટેલાઈટ ઈન્ટરનેટ: કંપનીએ જણાવ્યું હતું, ફ્લેટ હાઇ પર્ફોર્મન્સ સર્વિસ તેના વિશાળ વિસ્તાર અને બહેતર GPS ક્ષમતાઓને કારણે વધુ ઉપગ્રહો સાથે કનેક્ટ થઈ શકે છે, જ્યાં તેની જરૂર હોય ત્યાં વિશ્વસનીય કનેક્ટિવિટી પૂરી પાડે છે. સેટઅપનું હાર્ડવેર કઠિન પરિસ્થિતિઓમાં ટકાઉ હોય છે અને તેને કારમાં કાયમી ધોરણે ઇન્સ્ટોલ કરી શકાય છે. જ્યારે યુઝર્સો તેમના આગલા ગંતવ્ય પર જવા માંગતા હોય ત્યારે તેને સરળતાથી પેક કરી શકે છે.
ડિલિવરી ક્યારે શરૂ થશે: કંપનીએ કહ્યું કે જ્યારે યુઝર્સ તેમના આગલા ગંતવ્ય પર જવા માંગે છે, ત્યારે તેઓ તેને સરળતાથી પેક કરી શકે છે. વપરાશકર્તાઓ કોઈપણ સમયે અને માસિક બિલિંગ પર સેવાને થોભાવી અને ફરી શરૂ કરી શકે છે. RVs માટેની ઈન્ટરનેટસેવા યુઝર્સોને તેમની પોતાની મુસાફરીની જરૂરિયાતો અનુસાર તેમની સેવાને કસ્ટમાઈઝ કરવા સક્ષમ બનાવે છે. ઇન મોશન ઉપયોગ માટે નવી ફ્લેટ હાઇ પર્ફોર્મન્સ સેવા બજારોમાં ઓર્ડર કરવા માટે ઉપલબ્ધ છે. પરંતુ ડિલિવરી ડિસેમ્બર 2022 માં શરૂ થશે.
સેટેલાઇટ ઈન્ટરનેટ સેવા:તાજેતરમાં, કંપનીએ જાહેરાત કરી હતી કે તેની સેટેલાઇટ ઈન્ટરનેટ સેવા આવતા વર્ષે સ્ટારલિંક એવિએશનના સત્તાવાર લોન્ચ સાથે પસંદગીના એરોપ્લેન પર ટૂંક સમયમાં ઉપલબ્ધ થશે. એક અહેવાલ મુજબ, કંપનીએ દાવો કર્યો છે કે આ સેવા તેના એરો ટર્મિનલથી સજ્જ દરેક પ્લેનમાં 350mbps સુધીની ઈન્ટરનેટ સ્પીડ ઓફર કરશે, જે તે કહે છે કે વિડીયો કોલ, ઓનલાઈન ગેમિંગ અને અન્ય ઉચ્ચ ડેટા રેટ પ્રવૃત્તિઓ માટે પૂરતી ઝડપી છે.
