સાન ફ્રાન્સિસ્કો:મૂનલાઇટિંગ (Moonlighting) સંબંધિત વિવાદો વચ્ચે, માઇક્રોસોફ્ટના સીઇઓ સત્યા નડેલાએ ઘરેથી કામ સાથે સંબંધિત ચિંતાઓ પર વાત કરી છે. વિન્ડોઝ સેન્ટ્રલ દ્વારા અહેવાલ મુજબ, કાર્યસ્થળના વલણમાં ફેરફાર અંગેના તાજેતરના અહેવાલમાં, માઇક્રોસોફ્ટના સીઇઓ સત્યા નંડેલા (satya nadella microsoft ceo) એ ટિપ્પણી કરી છે કે, કેટલાક બોસ વર્ક ફ્રોમ હોમ કલ્ચર પર શંકાશીલ છે. કોવિડ 19 લોકડાઉન પછી વર્ક ફ્રોમ હોમ કલ્ચર પર, માઇક્રોસોફ્ટના સીઇઓ સત્યા નડેલાએ કહ્યું કે, બોસને ડર છે કે WFH (work from home) ની ઘરેથી કામ કરવાની પરવાનગી તેમના કર્મચારીઓનો સમય ન કરી દે.
વર્ક ફ્રોમ હોમ કલ્ચર:માઈક્રોસોફ્ટના સીઈઓ સત્યા નંડેલાએ જણાવ્યું હતું કે, અમે જેને ઉત્પાદકતા પેરાનોઈયા તરીકે વર્ણવીએ છીએ તેને દૂર કરવી પડશે, કારણ કે અમારી પાસે જે તમામ ડેટા છે તે દર્શાવે છે કે, 80 ટકાથી વધુ લોકો માને છે કે, તેઓ ખૂબ જ ઉત્પાદક છે, સિવાય કે તેમનું મેનેજમેન્ટ વિચારે છે કે તેઓ ઉત્પાદક નથી. તેનો અર્થ એ છે કે, અપેક્ષા અને તેઓ જે અનુભવે છે તેના સંદર્ભમાં વાસ્તવિક ડિસ્કનેક્ટ છે.
સર્વેક્ષણ:સત્યા નડેલાએ તેમની સંસ્થામાં ઘરેથી કામ કરવા અંગે એક મોટા સર્વેનો ઉલ્લેખ કર્યો છે. તે સર્વેક્ષણમાં, માઈક્રોસોફ્ટના 87 ટકા કર્મચારીઓને લાગે છે કે તેઓ ઘરેથી કામ કરતાં વધુ ઉત્પાદન વધારી શકે છે, જ્યારે માઈક્રોસોફ્ટના સંચાલકીય સ્તરના 80 ટકા કર્મચારીઓને લાગે છે કે તેઓ ઓછા ઉત્પાદક છે. નડેલાએ એમ પણ કહ્યું કે, માઇક્રોસોફ્ટની વર્તમાન વર્ક ફ્રોમ હોમ પોલિસી માઇક્રોસોફ્ટના કર્મચારીઓને 50 ટકાથી વધુ સમય વ્યવસ્થાપકીય મંજૂરીને આધીન સાથે, 50 ટકા દૂરથી કામ કરવાની મંજૂરી આપે છે.
મૂનલાઇટિંગ અનૈતિક: મૂનલાઇટિંગએ કર્મચારીઓનું કામ છે, જે અલગ કામ કરે છે અથવા નોકરી સાથે પ્રોજેક્ટ ધરાવે છે. જણાવવામાં આવી રહ્યું છે કે, કોરોનાના સમયગાળા દરમિયાન મૂનલાઇટિંગનો ટ્રેન્ડ વધ્યો છે. આ દરમિયાન કર્મચારીઓએ ઘરેથી કામ કરવાનો લાભ લીધો અને એક સાથે બે કંપનીઓ માટે કામ કરવાનું શરૂ કર્યું. હવે IT કંપનીઓ માટે મૂનલાઇટિંગ સમસ્યા બની ગઈ છે. જોકે, કોઈપણ કંપની એક સાથે બે જગ્યાએ કામ કરવા દેતી નથી. તે જ સમયે, અગ્રણી ટેક્નોલોજી કંપની IBMએ પણ મૂનલાઇટિંગને અનૈતિક ગણાવ્યું છે. IBMના મેનેજિંગ ડિરેક્ટર (ભારત અને દક્ષિણ એશિયા) સંદીપ પટેલે ગયા અઠવાડિયે એક કાર્યક્રમમાં જણાવ્યું હતું કે, કર્મચારીઓ તેમના આરામના સમયમાં તેઓ જે ઇચ્છે તે કરી શકે છે, પરંતુ મૂનલાઇટિંગ એ નૈતિક નથી.
