બેંગલુરુ:ઈન્ડિયન સ્પેસ રિસર્ચ ઓર્ગેનાઈઝેશન (ISRO)નું સૌથી ભારે રોકેટ LVM 3 23 ઓક્ટોબરે આંધ્રપ્રદેશના શ્રીહરિકોટાથી બ્રિટિશ સ્ટાર્ટઅપ OneWebના 36 ઉપગ્રહો (ISRO to launch 36 satellites) લોન્ચ કરશે. આ પ્રક્ષેપણ સાથે, LVM 3 (lvm3 rocket) વૈશ્વિક કોમર્શિયલ સેટેલાઇટ લોન્ચ માર્કેટમાં પ્રવેશ કરશે. LVM 3 અગાઉ GSLV Mk 3 રોકેટ તરીકે ઓળખાતું હતું.
1 મિશનનું પ્રક્ષેપણ:બેંગલુરુમાં ISRO મુખ્યાલયે શુક્રવારે જણાવ્યું હતું કે, LVM 3 M2/OneWeb India 1 મિશનનું પ્રક્ષેપણ 23 ઓક્ટોબર (22 ઓક્ટોબરની મધ્યરાત્રિએ) IST 12:07 વાગ્યે નિર્ધારિત છે. ઈસરોએ કહ્યું, ક્રાયો સ્ટેજ, ઇક્વિપમેન્ટ 2 ને જોડવાનું કામ પૂર્ણ થઈ ગયું છે. ઉપગ્રહોને કેપ્સ્યુલમાં લોડ કરીને રોકેટમાં મૂકવામાં આવે છે. લોન્ચરના અંતિમ પરીક્ષણની પ્રક્રિયા ચાલુ છે.
LVM 3 રોકેટ:આ મહિનાની શરૂઆતમાં ISROએ જણાવ્યું હતું કે, ન્યૂસ્પેસ ઈન્ડિયા લિમિટેડ (NSIL), એક જાહેર ક્ષેત્રના કેન્દ્રીય સાહસ (CPSE) જે ડિપાર્ટમેન્ટ ઑફ સ્પેસ અને સ્પેસ એજન્સીની વ્યાપારી શાખા હેઠળ કાર્યરત છે, તેણે UK સ્થિત નેટવર્ક એક્સેસ એસોસિએટ્સ સાથે બે લોન્ચ સર્વિસ કોન્ટ્રાક્ટ પર હસ્તાક્ષર કર્યા છે. આ કરારો હેઠળ, વનવેબના લો ઓર્બિટ બ્રોડબેન્ડ કમ્યુનિકેશનસેટેલાઇટ્સ LVM 3 રોકેટ દ્વારા લોન્ચ કરવાના હતા.
ISRO:ઇસરોએ જણાવ્યું હતું કે, માંગના આધારે NSIL દ્વારા LVM 3નું આ પ્રથમ સમર્પિત વ્યાપારી પ્રક્ષેપણ છે. અવકાશ એજન્સીએ કહ્યું, OneWeb સાથેનો આ કરાર NSIL અને ISRO માટે એક સીમાચિહ્નરૂપ છે, કારણ કે આ LVM 3 રોકેટ દ્વારા વૈશ્વિક કોમર્શિયલ સેટેલાઇટ લોન્ચ માર્કેટમાં પ્રવેશવા જઈ રહ્યું છે. LVM 3 એ ત્રણ તબક્કાનું પ્રક્ષેપણ વાહન છે, જેમાં બે ઘન મોટર સ્ટ્રેપ ઓન, લિક્વિડ પ્રોપેલન્ટ સ્ટેજ અને ક્રાયોજેનિક સ્ટેજનો સમાવેશ થાય છે. આ રોકેટચાર ટનના વર્ગના ઉપગ્રહોને જીઓસિંક્રોનસ ટ્રાન્સફર ઓર્બિટ (GTO)માં લોન્ચ કરવામાં સક્ષમ છે. ભારતી એન્ટરપ્રાઇઝિસ OneWebમાં મુખ્ય રોકાણકાર અને શેરહોલ્ડર છે.
