Xiaomiની નવી પ્રોડક્ટ્સ આવી માર્કેટમાં, ગૃહિણીઓને આપશે રાહત

ન્યુઝ ડેસ્ક: છેલ્લા ઘણા સમયથી સ્માર્ટ મોબાઇલ ફોનના માર્કેટમાં સૌથી પૉપ્યુલર નીવડેલી ચાઇનીઝ કંપની Xiaomiએ એક અદ્દભુત પ્રોડક્ટ માર્કેટમાં લોન્ચ કરી છે, જેનાથી ગૃહિણીઓને મહદ્દઅંશે રાહત થઇ શકશે. Xiaomiએ MI Sweaper કર્યું છે લોન્ચ, જે બીજુ કાંઇ નહિ પણ એક વાયરલેસ ઝાડુ છે, જે આ ઝાડુની ખાસિયત તેની રોટેશનલ ફંક્શન છે, જેમાં ઝાડુને કોઇ પણ દિશામાં ફેરવી શકાય તેમ છે, અને આ વાયરલેસ ઝાડુનું ડાઇમેન્શન 270mm X 170mm અને વજન 1 કિલોગ્રામ છે.

આ અંગે XIaomiનું કહેવું છે કે, સામાન્ય ઝાડુની ડિઝાઇન સેમી-ઓપન હોય છે, જેના કારણે ધુળ-માટી પુરી રીતે સાફ નથી થઇ શકતી, પણ હવે MI વાયરલેસ હેન્ડહેલ્ડ સ્વીપર સફાઇની તમામ મુશ્કેલીઓને અંત આણશે.

તો આ અંગે મળતી માહિતી મુજબ ઇલેક્ટ્રીક ઝાડું ડબલ બ્રશ ડિઝાઇનની સાતે રજુ કરવામાં આવી છે. તો પ્રોડક્ટ અંગે કંપનીનો દાવો છે કે, આ ખુબ જ સ્પીડ સાથે સફાઇ કરવામાં સક્ષમ છે.આ ઝાડુનું બ્રશની સ્પીડ 1300R/Min છે. તો આ ઝાડુને પાવર માટે 2000mAhની બેટરી આપવામાં આવી છે. તો આ ઇલેક્ટ્રિક ઝાડુને ફુલ ચાર્જ કરવાથી 2 કલાક સુધી ઉપયોગમાં લઇ શકાય તેમ છે.

આ Mi wireless handheld sweeper ને ચીનમાં રજુ કરવામાં આવ્યું છે. જેની કિંમત 99 યુઆન( લગભગ 1,030 રૂપિયા) થાય છે. આ ઇલેક્ટ્રિક ઝાડુ કંપનીના ક્રાઇડફંડિક પ્લેટફોર્મ પર પણ ઉપલ્બધ છે.

આ પહેલા Mi LED Smart Bulb પણ લોન્ચ કર્યો છે. આ બલ્બની ખાસ વાત એ છે કે, Mi Home ઍપ્લિકેશનનો સપોર્ટ આપવામાં આવ્યો છે, જેની મદદથી ગ્રાહક બલ્બ ON/OFF પણ કરી શકે છે. Xiaomiનો દાવો છે કે, LED બલ્બ 11 વર્ષ સુધી ચાલી શકશે, તો આ અંગે મળતી માહિતી મુજબ સ્માર્ટ બ્લબ 1.6 કરોડ કલરને સપોર્ટ કરશે.

MI Bulb ફાઇલ ફોટો

આ સ્માર્ટ LED બલ્બ ઍમેજોનના Alexa, ગૂગલ આસિસ્ટન્ટ જેવી વોઇસ આસિસ્ટન્ટને સપોર્ટ કરશે. આ અંગે xiaomiએ જણાવ્યું હતું કે, સ્માર્ટ બલ્બ ઉપયોગ કરવા માટે ગ્રાહકોને કોઇ બ્રિજ કે હબની જરૂર નથી. એટલે કે કોઇ પણ ગ્રાહક આ બલ્બને Mi Home ઍપ્લિકેશનની મદદથી ઉપયોગ કરી શકશે.