LAVAએ સ્માર્ટફોન Z2 Max લોન્ચ કર્યો

લાવાએ મોટી ડિસ્પ્લે અને 6000 MAhની બેટરી સાથે એક નવો બજેટ સ્માર્ટફોન Z2 Max લોન્ચ કર્યો છે. આ સ્માર્ટફોનમાં ડ્યુઅલ રીઅર કેમેરા સેટઅપ છે, જેમાં 13 Mp + 2 Mp સેન્સર છે. આ સ્માર્ટફોન 7 ઇંચની HD + ડિસ્પ્લે સાથે આવે છે. Z2 Max સ્માર્ટફોન મીડિયાટેક હેલિઓ પ્રોસેસર પર ચાલે છે અને 2 જીડી ડીડીઆર 4 એક્સ રેમ અને 32 GB સ્ટોરેજ સાથે આવે છે. ફોનમાં ઇનબિલ્ટ બોક્સ સ્પીકર્સ છે.

• લાવાએ લોન્ચ કર્યો નવો સ્માર્ટ ફોન Z2 Max
• આ ફોન દ્વારા ઓનલાઈન શિક્ષણમાં બાળકોને રહેશે સરળતા
• સ્માર્ટ ફોનની કિંમત 7,799

નવી દિલ્હી: કોવિડ -19 ની બીજી લહેર વચ્ચે ઓનલાઇન શિક્ષણને માટે, ભારતની સ્માર્ટફોન બ્રાન્ડ લાવાએ એક નવો સ્માર્ટફોન Z2 Max લોન્ચ કર્યો, જે મોટી સ્ક્રીન અને દમદાર બેટરી બેકઅપ સાથે બજારમાં રજૂ કરવામાં આવ્યોછે. 7 ઇંચની એચડી પ્લસ ડિસ્પ્લે અને 6000 MAhની બેટરી સાથે આવતો આ સ્માર્ટફોન, લાવાના ઇ-સ્ટોર અને પ્રમુખ ઓનલાઇન સાઈટ્સ અને ઓફલાઇન 7,799 રૂપિયામાં ઉપલબ્ધ છે.

બાળકોને કરશે મદદ

લાવા ઇન્ટરનેશનલના પ્રોડકટ હેડ તેજીન્દરસિંહે એક નિવેદનમાં જણાવ્યું છે કે Z2 Max સાથે અમે સુનિશ્ચિત કરવા માંગીએ છે કે દરેક વિદ્યાર્થીને યોગ્ય શિક્ષણ મળે અને ભવિષ્યમાં રાષ્ટ્રના વિકાસમાં ફાળો આપે.સિંહે કહ્યું, આ સિવાય ઓનલાઇન શિક્ષણ પ્રણાલી લાંબા સમય સુધી ચાલવાની છે અને તે આગળ જઈને ભારતમાં શિક્ષણ પ્રણાલીનો અભિન્ન ભાગ બનશે. વિદ્યાર્થીઓએ ડિજિટલ લર્નિંગમાં ફેરફાર કરવાનું શરૂ કર્યું છે, જે તેમને વધુ વ્યક્તિગત તેમજ ઇન્ટરેક્ટિવ બનવામાં મદદ કરે છે અને તેમને વધુ સારી રીતે સમજવામાં સહાય કરે છે.

આ પણ વાંચો : વનપ્લસે ગેમના શોખિન માટે લોન્ચ કર્યો સ્માર્ટ ફોન

યુઝર્સને સારો અનુભવ આપે છે

સ્માર્ટફોનમાં ડ્યુઅલ રીઅર કેમેરા સેટઅપ છે, જેમાં 13 મેગાપિક્સલ સાથે 2 મેગાપિક્સલનો સેન્સર છે. આ ફોન મીડિયાટેક હેલિઓ પ્રોસેસર પર ચાલે છે અને 2 GB ડીડીઆર 4 એક્સ રેમ અને 32 GB સ્ટોરેજ સાથે રજૂ કરવામાં આવ્યો છે. ફોનમાં ઇનબિલ્ટ બોક્સ સ્પીકર્સ છે,જે સ્પષ્ટ વોઈઝ ક્વોલેટી આપે છે. સિંહે કહ્યું, ટીમે પ્રોડક્શન અંગે ઘણું વિચારણા કરી અને તેને એવી રીતે ડિઝાઇન કરી છે કે તેનો ઉપયોગ ડિજિટલ શિક્ષણમાં તેનો સારો ઉપયોગ કરી શકો છો. તેમણે કહ્યું, ફોન એક સંપૂર્ણ પેકેજ છે અને વપરાશકર્તા સારો અનુભવ આપે છે, જેને સ્ટોક એન્ડ્રોઇડ દ્વારા વધારવામાં આવે છે.