અમેરિકા: એર શો પ્લેન ક્રેશમાં પાયલટ સહિત 6 લોકોના મોતની આશંકા

ડલ્લાસ, ટેક્સાસ, યુએસમાં એર શો દરમિયાન બી-17 હેવી બોમ્બર(pilot feared dead in air show plane crash ) અન્ય વિમાન સાથે અથડાયા અને ક્રેશ થતાં છ લોકોના મોતની આશંકા છે.

ટેક્સાસ(યુએસ): યુએસના ટેક્સાસના ડલ્લાસમાં એર શો દરમિયાન બી-17 હેવી બોમ્બર અન્ય એરક્રાફ્ટ સાથે અથડાયા અને ક્રેશ થતાં 6 લોકોના મોતની આશંકા છે. (pilot feared dead in air show plane crash )આ ઘટના અમેરિકાના પ્રીમિયર વર્લ્ડ વોર II એર શો દરમિયાન બની હતી. સ્મારક વાયુસેનાના પ્રવક્તા લેહ બ્લોકે મીડિયાને જણાવ્યું હતું કે, "એમનુ માનવુ છે કે B-17 પર પાંચ ક્રૂ સભ્યો અને P-63 પર એક વ્યક્તિ છે."

વિશાળ આગ અને કાળા ધુમાડા:ડલ્લાસના મેયર એરિક જ્હોન્સને આ ઘટનાના થોડા સમય બાદ કહ્યું હતું કે, આ સમયે ઘણી વિગતો અપ્રમાણિત છે. શહેરના અધિકારીઓ શક્ય તમામ મદદ કરવામાં વ્યસ્ત છે. હવામાં થયેલી આ ટક્કરના ઘણા વીડિયો સોશિયલ મીડિયા પર વાયરલ થઈ રહ્યા છે. વિડીયોમાં, બંને વિમાન ઝડપથી નીચે ઉતરતા પહેલા હવામાં અથડાતા જોવા મળ્યા હતા, જેમાં એક વિશાળ આગ અને કાળા ધુમાડાના ગોટેગોટા સર્જાયા હતા.

પરિવારોનું મનોરંજન:મેયર જ્હોન્સને ટ્વીટ કર્યું, 'જેમ કે તમારામાંથી ઘણાએ જોયું કે, આજે અમારા શહેરમાં એરશો દરમિયાન એક ભયાનક દુર્ઘટના બની. આ સમયે ઘણી વિગતો અપ્રમાણિત છે. તેણે કહ્યું, 'વિડીયો હૃદયને હચમચાવી નાખે તેવો છે. કૃપા કરીને આત્માઓ માટે પ્રાર્થના કરો કે જેઓ આજે આપણા પરિવારોનું મનોરંજન કરવા અને શિક્ષિત કરવા સ્વર્ગમાં ગયા છે.'

અથડામણની તપાસ શરૂ કરી:NTSB એ ડલ્લાસ, ટેક્સાસ નજીક બોઇંગ B-17G અને બેલ P-63F વચ્ચે અથડામણની તપાસ શરૂ કરી છે. માઈકલ ગ્રેહામ ઘટનાસ્થળે પ્રવક્તા તરીકે સેવા આપશે. આવતીકાલે ટીમ આવે તેવી શક્યતા છે. અમેરિકન મીડિયા અહેવાલો જણાવે છે કે B-17 એ ચાર એન્જિનનું મોટું બોમ્બર છે, અને તે બીજા વિશ્વયુદ્ધ દરમિયાન અમેરિકન હવાઈ શક્તિનો આધાર હતો. બીજા વિશ્વયુદ્ધના અંતે મોટા ભાગના B-17ને કાઢી નાખવામાં આવ્યા હતા અને માત્ર થોડા જ બાકી રહ્યા હતા.