ચાર્જ સંભાળતા જ સુનકે કહ્યું, બ્રિટન તમારી સાથે પુતિનને પછાડી વઘુ મજબુત બનીશુ

બ્રિટનના નવા વડાપ્રધાન ઋષિ સુનકે મંગળવારે ચાર્જ સંભાળ્યો હતો. આ પદ પર આવ્યા સૌથી પહેલા તેમણે યુક્રેન કેસ અંગે પ્રતિક્રિયા આપી છે. બે સદી બાદ બ્રિટનમાં સૌથી નાની ઉંમરના તેઓ વડાપ્રધાન તરીકે નિયુક્ત થયા છે.24 ફેબ્રુઆરીના રોજ રશિયા તરફથી હજારોની સંખ્યામાં સૈન્ય યુક્રેન મોકલ્યા બાદ બ્રિટન કીવ અને યુક્રેનના રાષ્ટ્રપતિ વલોડિમિર ઝેલેન્સકીની વાત સામે આવી છે. સુનકે યુક્રેનના ઝેલેન્સકી સાથે વાત કરી છે. બીજી તરફ રશિયાના અધિકારીઓ એવું કહી રહ્યા છે કે, લંડન અને મોસ્કો સાથેના સંબંધોમાં ખાસ કોઈ સુધારો નહીં આવે. આ સુધારાની કોઈ શક્યતાઓ દેખાતી નથી.

લંડનઃબ્રિટનના નવનિયુક્ત વડાપ્રધાન ઋષિ સુનકે યુક્રેના (Rishi Sunak talked Zelensky) રાષ્ટ્રપ્રમુખ ઝેલેન્સકી સાથે વાતચીત કરી છે. તેમણે યુકેની અખંડિતતા અને યુક્રેના લોકોને સમર્થનની વાત કહી છે. સુનકે આ વાતચીત દરમિયાન એવું પણ ટ્વિટ કર્યું છે કે,યુક્રેનના રાષ્ટ્રપ્રમુખ સાથે વાત કરવાનો ચાન્સ મળ્યો, તેઓ યુક્રેનના લોકો અને યુકેની અખંડિતતા તથા સમર્થન પર સારો ભરોસો કરી રહ્યા છે. અમે હંમેશા યુક્રેન સાથે ઊભા છીએ.

નકારાત્મક વલણઃઆ પહેલા સુનકની નિયુક્તિ બાદ રશિયા અને બ્રિટનવચ્ચે સારા સંબંધોની શકયતાઓના જવાબમાં ક્રેમલિનના પ્રવક્તા દિમિત્રી પેસકોવે મંગળવારે એવું કહ્યું હતું કે, હાલમાં તેમજ નજીકના ભવિષ્યમાં અમને સંબંધો અંગે કોઈ પોઝિટિવ વાત જોવા મળતી નથી.સંબંધો સુધરે એવું લાગતું નથી. કોઈ પોઝિટિવ ચેન્જ પણ દેખાતા નથી. જોકે, આ પહેલા પણ સુનકે યુક્રેનના સ્વતંત્રતા દિવસ પર એક પત્ર લખ્યો હતો. જેમાં આક્રમકતાના વિરોધમાં દ્દઢ સાહસની પ્રશંસા કરી હતી. આ સાથે તેમણે યુકેના લોકોના સમર્થનનો દાવો પણ કર્યો હતો.

ઋષિનો પત્રઃઆ પત્ર અંગે આગળ વાત કરતા ઋષિએ કહ્યું હતું કે, આજીવન અમે એક સારા મિત્ર (Affirms Support to Ukraine) તરીકે રહીશું. યુક્રેનને એક સમૃદ્ધ, મહત્ત્વકાંક્ષી તથા દૂરંદેશી દેશ તરીકે ફરીથી બેઠો કરવામાં મદદ કરીશું. આક્રમકતા સાથે અડગ ઊભા રહેવાના આપના વલણને દુનિયાના શાંતિપ્રિય દેશ તથા સ્વતંત્રતા પ્રેમીઓ માટે એક પ્રેરણા પૂરી પાડી છે. આશા જગાડી છે.

પહેલા કરતા વધું મજબુતઃરશિયાસામેના યુદ્ધમાં ન માત્ર પુતિનને પછાડવાના છે પણ પહેલા કરતા વધારે મજબુત, સમૃદ્ધ યુક્રેનનું નિર્માણ કરવાનું છે. અમારા દેશમાં અહીં જે પણ ફેરફાર આવ્યા, બ્રિટનના લોકો હંમેશા એકબીજાનો સાથ આપતા રહ્યા છીએ. બ્રિટન યુક્રેનને દવા અને ભોજનની વ્યવસ્થા કરી આપશે.