Pakistan: પાકિસ્તાનમાં પેટ્રોલ અને ડીઝલ થયા મોંઘા, પેટ્રોલની કિંમત 305.36 રૂપિયા પ્રતિ લિટર

પાકિસ્તાન સરકારે પેટ્રોલના ભાવમાં લિટર દીઠ 14.91 રુપિયા અને હાઇ-સ્પીડ ડીઝલ (એચએસડી)ના ભાવમાં 18.44 રુપિયા પ્રતિ લીટરનો વધારો કર્યો હતો, જેનાથી પેટ્રોલની કિંમત 305.36 રુપિયા પ્રતિ લીટર અને એચએસડીની કિંમત 311.84 રુપિયા પ્રતિ લીટર થઇ હતી.

ઈસ્લામાબાદ:પાકિસ્તાન લાંબા સમયથી આર્થિક સંકટ અને ગરીબીથી પીડાઈ રહ્યું છે. જેના કારણે ખાદ્યપદાર્થો અને પેટ્રોલ અને ડીઝલના ભાવમાં વધારો થઈ રહ્યો છે. આ કારણે પાકિસ્તાનની વચગાળાની સરકાર ઘણા મોટા પડકારોનો સામનો કરી રહી છે. પહેલેથી જ મોંઘવારીનો માર સહન કરી રહેલા લોકો પર સરકારે પેટ્રોલ અને ડીઝલ વધુ એક ઝટકો આપ્યો છે. વીજળી બાદ હવે વચગાળાની સરકારે પેટ્રોલના ભાવમાં પ્રતિ લિટર 14.91 રૂપિયા અને હાઈ-સ્પીડ ડીઝલ (HSD)ના ભાવમાં 18.44 રૂપિયા પ્રતિ લિટરનો વધારો કર્યો છે.

પેટ્રોલ 305.36 રૂપિયા પ્રતિ લિટર: નાણા મંત્રાલયે સોશિયલ મીડિયા પ્લેટફોર્મ X (અગાઉ ટ્વિટર) પર એક સત્તાવાર પોસ્ટ જારી કરી છે. જેમાં મંત્રાલયે પેટ્રોલ અને ડીઝલના ભાવમાં વધારો કરવાનો આદેશ જારી કર્યો હતો. આ પછી હવે પાકિસ્તાનમાં પેટ્રોલની કિંમત 305.36 રૂપિયા પ્રતિ લિટર અને HSD 311.84 રૂપિયા પ્રતિ લિટર થઈ ગઈ છે. સરકારનો દાવો છે કે ભાવવધારો વર્તમાન ટેક્સ દરો અને આયાત સમાનતાના ભાવ પર આધારિત છે. ખાસ કરીને પાકિસ્તાની ચલણમાં ઘટાડો અને આંતરરાષ્ટ્રીય તેલના ભાવમાં થોડો વધારો થવાને કારણે આવું કરવું પડ્યું છે.

15 દિવસ બાદ બીજો વધારો:પાકિસ્તાનની વચગાળાની સરકારે સત્તા સંભાળ્યા બાદ 15 ઓગસ્ટથી પેટ્રોલ અને ડીઝલના ભાવમાં ભારે વધારો કરવાની જાહેરાત કરી હતી. પરંતુ હવે આ વધારાના 15 દિવસ બાદ તેમાં વધુ વધારો કરવામાં આવ્યો છે. વચગાળાની સરકારે ઈંધણના ભાવમાં 20 રૂપિયા પ્રતિ લીટર સુધીનો વધારો કર્યો હતો. પાકિસ્તાનમાં વચગાળાની સરકારે સત્તા સંભાળી ત્યારથી રૂપિયામાં 4.6 ટકાનો ઘટાડો થયો છે. ઓગસ્ટ સુધી રૂપિયામાં 6.2 ટકાનો ઘટાડો નોંધાયો છે.