Israel-Palestine War: ઈઝરાયલ અને હમાસ વચ્ચે યુદ્ધ, ભારત આવતી ફલાઈટ્સ રદ્દ, 350થી વધુના મોત

ઈઝરાયેલમાં હમાસના હુમલામાં બાદ વડાપ્રધાન બેન્જામિન નેતન્યાહુએ કહ્યું કે હમાસના આતંકવાદીઓને ઈઝરાયેલ પર હુમલાની ભારે કિંમત ચૂકવવી પડશે. ઇઝરાયેલની વાયુસેનાએ ગાઝા પટ્ટી પર હાજર હમાસ સામે જવાબી કાર્યવાહી કરી છે. જેમાં અત્યાર સુધીમાં 232ના મોત થયા છે.

જેરુસલેમ: શનિવારે યહૂદી રજાના દિવસે હમાસના ડઝનેક આતંકવાદીઓ પ્રતિબંધિત ગાઝા પટ્ટી અને નજીકના ઇઝરાયેલના નગરોમાં પ્રવેશ્યા હતા. તેઓએ નાગરિકો પર હુમલો કર્યો. આ અણધાર્યા હુમલામાં ડઝનબંધ લોકો માર્યા ગયા હતા. કેટલાક લોકોના અપહરણની પણ માહિતી છે. આ હુમલાથી ચોંકી ઉઠેલા ઈઝરાયલે ગાઝામાં હવાઈ હુમલા શરૂ કર્યા. ઈઝરાયેલના વડા પ્રધાને કહ્યું કે દેશ હવે હમાસ વિરુદ્ધ યુદ્ધમાં છે. તેમણે ચેતવણી આપી હતી કે હમાસ હુમલાના કિંમત ચૂકવવા માટે તૈયાર રહે.

22 સ્થળોએ હુમલો: હમાસના બંદૂકધારીઓ ગાઝા પટ્ટીની બહાર 22 સ્થળોએ ત્રાટક્યા, જેમાં ગાઝા સરહદથી 15 માઈલ (24 કિલોમીટર) સુધીના નગરો અને અન્ય સમુદાયોનો સમાવેશ થાય છે. કેટલાક સ્થળોએ, તેઓ કલાકો સુધી ફરતા હતા, નાગરિકો અને સૈનિકો પર ગોળીઓ ચલાવતા હતા કારણ કે ઇઝરાયેલી સેના આક્રમણ માટે તૈયાર ન હતી. મીડિયા અહેવાલો અનુસાર, ગોળીબાર રાત પડયા પછી ચાલુ રહ્યો અને આતંકવાદીઓએ બે શહેરોમાં મડાગાંઠ દરમિયાન બંધક બનાવ્યા અને એક પોલીસ સ્ટેશન પર કબજો કર્યો.

22 સ્થળોએ હુમલો

ઈઝરાયેલના PMની ચેતવણી:ઈઝરાયેલના વડાપ્રધાન બેન્જામિન નેતન્યાહુએ શનિવારે રાત્રે ફરી એકવાર ટેલિવિઝન પર જનતાને સંબોધિત કર્યા. આ પહેલા તેમણે આ હુમલાને ઈઝરાયલ વિરુદ્ધ યુદ્ધ ગણાવ્યું હતું. એક દિવસની અંદર પોતાના બીજા જાહેર સંબોધનમાં તેમણે કહ્યું કે સેના હમાસની ક્ષમતાઓને નષ્ટ કરવા અને આ કાળા દિવસનો બદલો લેવા માટે તેની સંપૂર્ણ શક્તિનો ઉપયોગ કરશે. તેમણે ચેતવણી આપી હતી કે હમાસ આની કિંમત ચુકવવા તૈયાર રહે. ઈઝરાયેલના વડાપ્રધાન બેન્જામિન નેતન્યાહુએ હમાસના આતંકવાદીઓને ચેતવણી આપી છે. તેમણે ટ્વીટ કર્યું કે તે હમાસના દરેક અડ્ડાને નષ્ટ કરી દેશે. શહેરોને ખંડેરમાં ફેરવશે. હું ગાઝાના લોકોને કહેવા માંગુ છું કે હવે શહેર છોડી દો કારણ કે અમે ઝડપથી પગલાં લઈશું.

માસ સામે જવાબી કાર્યવાહી

232ના મોત

ઇઝરાયલમાં 300થી વધુના મોત:ઇઝરાયલી મીડિયાએ જણાવ્યું હતું કે ઓછામાં ઓછા 300 લોકો માર્યા ગયા અને 1,500 ઘાયલ થયા છે. મીડિયા રિપોર્ટ્સ અનુસાર, છેલ્લા કેટલાક દાયકાઓમાં ઇઝરાયેલ પર આ સૌથી ઘાતક હુમલો છે. પેલેસ્ટિનિયન આરોગ્ય મંત્રાલયે જણાવ્યું હતું કે ગાઝા પટ્ટીમાં ઇઝરાયેલના હુમલામાં ઓછામાં ઓછા 232 લોકો માર્યા ગયા હતા અને ઓછામાં ઓછા 1,700 ઘાયલ થયા હતા. સોશિયલ મીડિયા પર પોસ્ટ કરાયેલા ભયાનક દ્રશ્યોમાં, હમાસ લડવૈયાઓએ ગાઝામાં અજાણ્યા નાગરિકો અને સૈનિકોને કબજે કર્યા, જે ઇઝરાયેલ માટે અત્યંત સંવેદનશીલ મુદ્દો છે.