Donald Trump Indicted : અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ દોષિત, આવી હતી ટ્રમ્પની પ્રતિક્રિયા

"તેઓએ 2.5 વર્ષ પહેલાં આ કેમ ન કર્યું?" અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ દ્વારા આ શબ્દોમાં પૂછવામાં આવ્યું હતું. તેઓ 2020ની યુએસ પ્રમુખપદની ચૂંટણીને 'પલટાવવા'ના તેમના પ્રયત્નો માટે બુધવારે દોષી ઠેરવવામાં આવ્યા હતાં.

વોશિંગ્ટન: અમેરિકાના પૂર્વ રાષ્ટ્રપતિ ડોનાલ્ડ ટ્રમ્પને બુધવારે (સ્થાનિક સમય મુજબ) 2020ની યુએસ પ્રમુખપદની ચૂંટણીને ઉથલાવી દેવાના પ્રયાસો બદલ દોષી ઠેરવવામાં આવ્યા હતાં. તેઓ ગુરુવારે કોર્ટમાં હાજરી આપશે. આ ચૂંટણીનું પરિણામ તારીખ 6 જાન્યુઆરી, 2021ના રોજ કેપિટોલ પરના હુમલામાં પરિણમ્યું હતું. ડોનાલ્ડ ટ્રમ્પે જણાવ્યું હતું કે તેમને એક લક્ષ્ય બનાવીને લખાયેલો પત્ર મળ્યો છે જેમાં તપાસનું કેન્દ્રસ્થાન તેઓ છે એવી ચેતવણી આપવામાં આવી હતી, જેમાં વારંવાર આરોપો દાખલ કરીને અનુસરવામાં આવે છે તેમ પણ આરોપ મૂકવામાં આવ્યો છે.

ટ્ર્મ્પ સામે જેક સ્મિથની તપાસ : ટ્રમ્પને કેપિટોલ હુમલાનાા મામલે વિશેષ સલાહકાર જેક સ્મિથની તપાસના ભાગરુપેે દોષિત ઠેરવવામાં આવ્યા છે. વોશિંગ્ટન ડી.સી.માં ફેડરલ ગ્રાન્ડ જ્યુરી, ખાસ કરીને મંગળવાર અને ગુરુવારે મળે છે ત્યારે આ કેસમાં પુરાવાની સુનાવણી કરી રહી છે. ડિસ્ટ્રિક્ટ ઓફ કોલંબિયા માટે યુનાઇટેડ સ્ટેટ્સ ડિસ્ટ્રિક્ટ કોર્ટના ડોકેટ મુજબ, ટ્રમ્પ કેસ યુએસ ડિસ્ટ્રિક્ટ જજ તાન્યા ચુટકનને સોંપવામાં આવ્યો છે. કોર્ટની વેબસાઈટ અનુસાર તેમની નિમણૂક 2014માં થઈ હતી.

ટ્રમ્પ પર આરોપ: સીએનએનના અહેવાલમાં જણાવાયું છે તે મુજબ વિશેષ સલાહકાર જેક સ્મિથની તપાસના ભાગરૂપે ટ્રમ્પ પર જે આરોપ મૂકવામાં આવ્યો હતો તેમાં યુનાઇટેડ સ્ટેટ્સને છેતરવાનું કાવતરું, સત્તાવાર કાર્યવાહીમાં અવરોધ લાવવાનું કાવતરું, સત્તાવાર કાર્યવાહીમાં અવરોધ અને અવરોધ કરવાનો પ્રયાસ અને અધિકારો વિરુદ્ધ કાવતરું જેવો ઉલ્લેખ છે.

આટલી લાંબી રાહ જોઈ?: "મેં સાંભળ્યું છે કે 2024ની પ્રમુખપદની ચૂંટણીમાં દખલ કરવા માટે ડિરેન્જ્ડ જેક સ્મિથ, તમારા મનપસંદ રાષ્ટ્રપતિ, મારા પર, સાંજે 5:00 વાગ્યે વધુ એક નકલી આરોપ મૂકશે." ટ્રમ્પે મીડિયા પ્લેટફોર્મ ટ્રુથ સોશિયલ પર આમ લખ્યું છે તેવું ધ હિલના રોપીર્ટમાં જણાવાયું છે. “તેઓએ આ 2.5 વર્ષ પહેલા કેમ ન કર્યું? શા માટે તેઓએ આટલી લાંબી રાહ જોઈ? કારણ કે તેઓ તેને મારા પ્રચારની મધ્યમાં મૂકવા માંગતા હતા. ફરિયાદી ગેરવર્તણૂક!” ટ્રમ્પે ઉમેર્યું હતું.

દોષિત હોવાની અપેક્ષા હતી: કોર્ટ ફાઇલિંગ મુજબ અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ વોશિંગ્ટન ડીસીની ફેડરલ કોર્ટમાં ગુરુવારે આ કેસમાં કોર્ટમાં તેમની પ્રથમ હાજરી આપશે. તેમના પર આરોપની ઘોષણા પહેલાં ડોનાલ્ડ ટ્રમ્પે કહ્યું હતું કે 2020ની ચૂંટણી પછીના તેમના વર્તનની વિશેષ કાઉન્સેલ જેક સ્મિથ્સની તપાસના ભાગરૂપે આજે "કોઈપણ સમયે" તેમને દોષિત ઠેરવવામાં આવે તેવી અપેક્ષા છે.