તેહરાન : ઉત્તર-પશ્ચિમ ઈરાનના ખોય શહેરમાં 5.9ની તીવ્રતાના ભૂકંપના કારણે સાત લોકોના મોત થયા છે અને 400થી વધુ લોકો ઈજાગ્રસ્ત થયા છે. યુનાઇટેડ સ્ટેટ્સ જિયોલોજિકલ સર્વે (યુએસજીએસ) એ જણાવ્યું હતું કે, ભૂકંપ સ્થાનિક સમય અનુસાર રાત્રે 11.44 કલાકે આવ્યો હતો. તેનું કેન્દ્રબિંદુ ખોય ઈરાનથી 14 કિમી SSW 10 કિમીની ઊંડાઈએ હતું. મળતી માહિતી મુજબ ઈરાનના ઈસ્ફહાન શહેરના મિલિટરી પ્લાન્ટમાં પણ જોરદાર વિસ્ફોટનો અવાજ સંભળાયો છે. ઈરાનના મીડિયા રિપોર્ટ્સ અનુસાર ભૂકંપમાં અત્યાર સુધીમાં 7 લોકોના મોત થયા છે અને લગભગ 440 લોકો ઈજાગ્રસ્ત થયા છે. રાહત અને બચાવ કાર્ય શરૂ કરી દેવામાં આવ્યું છે.
ઉત્તરપશ્ચિમ ઈરાનમાં ભૂકંપ :ઈજાગ્રસ્તોને હોસ્પિટલોમાં દાખલ કરવામાં આવ્યા છે. ભૂકંપ પ્રભાવિત વિસ્તારની આસપાસના વિસ્તારોમાં પણ લોકો ગભરાટમાં છે. તે ઈરાનના પશ્ચિમ અઝરબૈજાન પ્રાંત અને ખોય કાઉન્ટીની રાજધાની છે. ઈરાનની IRNA ન્યૂઝ એજન્સીએ જણાવ્યું હતું કે, ઉત્તર-પશ્ચિમ ઈરાનમાં પશ્ચિમ અઝરબૈજાન પ્રાંતના ખોય શહેરમાં 5.9ની તીવ્રતાનો ભૂકંપ આવ્યો.