એક ખાનગી ન્યૂઝ એન્જસીના અહેવાલ અનુસાર, ઈરાકના દક્ષિણ વિસ્તારમાં આવેલાં બસરા અને કાર પ્રાંતમાં પ્રદર્શનકારીઓ અને સુરક્ષા દળો વચ્ચે હિંસક અથડામણ થઈ હતી. જેમાં 3 પ્રદર્શનકારીઓના મોત થયા હતા. જ્યારે 87 પ્રદર્શકારી સહિત સુરક્ષાકર્મીઓને ગંભીર ઈજા પહોંચી હતી.
દક્ષિણ ઈરાકમાં સરકાર વિરોધી પ્રદર્શન હિંસક બન્યુઃ 6ના મોત, 158 ઈજાગ્રસ્ત
ઈરાકઃ દક્ષિણ પ્રાંતોમાં છેલ્લા એક મહિનાથી ભ્રષ્ટાચાર અને અવ્યવસ્થા સામે વિરોધ પ્રદર્શન થઈ રહ્યુ છે. આ આંદોલને હવે ઉગ્ર સ્વરૂપ ધારણ કર્યુ છે. રવિવારે દેશના દક્ષિણ વિસ્તારોમાં સુરક્ષા દળો અને પ્રદર્શનકારીઓ વચ્ચે લોહીયાણ અથડામણ થઈ હતી. જેમાં 6 પ્રદર્શનકારીના મોત તેમજ 158 સુરક્ષાકર્મી અને પ્રદર્શનકારીને ગંભીર ઈજા પહોંચી હતી.
દક્ષિણી ઈરાકમાં સરકાર વિરોધી પ્રદર્શન
કાર પ્રાંતની રાજધાની નસરિયાહ શહેરમાં પણ 3 પ્રદર્શનકારીઓના મોત થયાં હતા અને 71 લોકો ગંભીર રીતે ઘવાયા હતા. આ ઘટનાને પગલે બસરા પ્રાંતમાંથી 6 અને કાર પ્રાંતમાંથી 5 પ્રદર્શનકારીની ધરપકડ કરવામાં આવી હતી.
આમ, છેલ્લા એક મહિના ચાલી રહેલો વિરોધ દિવસને દિવસે હિંસક બની રહ્યો છે. હજારો લોકો રસ્તા પર ઉતરી રહ્યાં છે. ત્યારે તંત્ર આ અંગે મૌન સેવી રહ્યું છે. જેથી આ વિરોધ શાંત પડવાના બદલે વધું હિંસક બની રહ્યો છે.