બ્રિટનના આરોગ્ય પ્રધાન કોરોનાનો શિકાર, બ્રિટનમાં 373 ચેપગ્રસ્ત

બ્રિટનના આરોગ્ય વિભાગના પ્રધાન નાદિન ડોરિસનું કોરોના વાયરસ અંગે પરીક્ષણ કરવામાં આવ્યું હતું. આ પરિક્ષણ બાદ તેમને કોરોના અસરગ્રસ્ત જાહેર કરાયા હતા. તેમણે મંગળવારે એક નિવેદનમાં જણાવ્યું હતું, હું કોરોના વાયરસ અસરગ્રસ્ત છું, હાલ ઘરે એકલી રહું છું, કારણ કે અન્યને આ વાયરસનો ચેપ ન લાગે. હાલ તેમને આ વાયરસનો ચેપ ક્યાં કોના સંપર્કથી લાગ્યો, તે વ્યક્તિને શોધી કાઢવા આરોગ્ય અધિકારીઓ પ્રયાસ કરી રહ્યાં છે.

નાદિન ડોરિસ એ પ્રથમ બ્રિટિશ રાજકારણી છે, જેમને ભૂલો સામે લડવાના કાયદા ઘડવામાં મદદ કરી હતી. હાલ તેમને કોવિડ-19 (કોરોના વાયરસ) અસરગ્રસ્ત હોવાનું નિદાન થયું હતું. ડોરિસને કોરોનાથી અસરગ્રસ્ત જાહેર કરાયા બાદ બ્રિટનમાં ચિંતા પ્રસરી છે. હવે દેશના વડાપ્રધાન બોરિસ જ્હોનસન સહિત સેંકડો લોકો આરોગ્ય વિભાગના પ્રધાન નાદિન ડોરિસ સાથે સંપર્કમાં હતાં.

શુક્રવારે નાદિન ડોરિસે પોતાના આરોગ્ય વિશે જણાવ્યું કે, કોરોના વાયરસને એક નોંધપાત્ર રોગ જાહેર કરવામાં આવ્યો છે, આ રોગ સામે વીમા કવચ મેળવી શકાય છે. મારા સ્વસ્થ્યમાં સુધાર આવી રહ્યો છે. NHS સ્ટાફ કે, જેમણે મને જરૂરી સલાહ અને સહાય પૂરી પાડી છે, તે બદલ હું તેમનો આભાર માનું છું.

બ્રિટનની રાષ્ટ્રીય આરોગ્ય સેવાનો ઉલ્લેખ કરતા કહ્યું કે, સરકાર આરોગ્ય કટોકટી વચ્ચે અનિચ્છાએ હોવા છતા સંસદને સ્થગિત કરવી પડી શકે છે. બ્રિટનમાં કોરોના વાયરસના કારણે 6 લોકો મોત થયાં છે, જ્યારે અસરગ્રસ્તોની સંખ્યા 373 થઈ છે.