બ્રિટેનના પ્રિન્સ વિલિયમ એપ્રિલમાં થયા હતા કોરોના સંક્રમિત, શા માટે છુપાવી વાત, જાણો

બ્રિટિશ મીડિયાએ જણાવ્યું કે, પ્રિન્સ વિલિયમ એપ્રિલમાં તેના પિતા પ્રિન્સ ચાર્લ્સ સાથે કોરોના સંક્રમિત આવ્યા હતા. બ્રિટનમાં કોરોના કેસની સંખ્યા 10 લાખથી વધુ થઇ ગઇ છે. 5 નવેમ્બરથી શરૂ થનાર લોકડાઉન 2 ડિસેમ્બર સુધી ચાલુ રહેશે.

લંડન : બ્રિટેનના પ્રિન્સ વિલિયમનો એપ્રિલમાં કોરોના રિપોર્ટ પોઝિટિવ આવ્યો હતો. પરંતુ તેમણે આ વાતનો ખુલાસો કર્યો નહોતો. પ્રિન્સ ચાલર્સની સાથે તે પણ કોરોનાથી સંક્રમિત થયા હતા. તેમણે આ જાણકારી લોકોથી છુપાવી હતી. કારણ કે, તે આ જાણકારી આપીને લોકોને મુશ્કેલીમાં નહોતા મુકવા માંગતા. બ્રિટિશ મીડિયાએ રવિવારે આ વાતનો ખુલાસો કર્યો હતો. જોકે, પ્રિન્સ વિલિયમના કાર્યાલય આધિકારીઓએ આ મામલે વાત કરવાનો ઇન્કાર કરી દીધો છે.

ઇંગ્લેન્ડમાં 5 નવેમ્બરથી 2 ડિસેમ્બર સુધી લોકડાઉન

આપને જણાવી દઇએ કે, બ્રિટેનના વડાપ્રધાન બોરિસ જોનસને શનિવારે કોવિડ-19 મહામારીનો બીજો તબક્કાને ધ્યાનમાં લઇને ઇંગ્લેન્ડમાં લોકડાઉન કરવાની જાહેરાત કરી હતી. 5 નવેમ્બરથી લાગુ થનાર લોકડાઉન 2 ડિસેમ્બર સુધી રહેશે. આ નિર્ણય કોરોનાના વધતા કેસને લઇને લેવામાં આવ્યો છે.