ચીનઃ દુનિયાભરમા કોરોનાવાઈરસના મામલાઓ વધી રહ્યાં છે. ચીનથી શરૂ થયેલા આ વાઈરસે ચીનમાં હાહાકાર મચાવી હવે સમગ્ર વિશ્વ માટે સંકટ ઉભું કર્યુ છે. ચીનમાં છેલ્લા 24 કલાકમાં કોરોનાથી એક પણ મોત નોંધાયુ નથી. જોકે જાન્યુઆરી બાદ પહેલી વાર આવું થયું છે. આ દરમિયાન કોરોનાવાઈરસના 32 કેસ સામે આવ્યાં છે. જે તમામ વિદેશી લોકો છે.
ડિસેમ્બર, 2019માં કોરોનાવાઈરસની ચીનમાં શરૂઆત થઈ હતી. જયાં વુહાનમાં સૌપ્રથમ કોરોનાનો કેસ સામે આવ્યો હતો. બાદમાં ચીનમાં આ વાઈરસ ફેલાતાં હજારો લોકો આ બિમારીથી પ્રભાવિત થયાં હતાં. તેમજ હજારો લોકોએ પોતાના જીવ ગુમાવ્યાં. સુત્રો અનુસાર માર્ચના મધ્યથી ચીનમાં કોરોનાવાઈસનું સંક્રમણ ઘટ્યું છે. જેની પુષ્ટી ચીનના નેશનલ હેલ્થ કમીશને કરી છે.