પેટ્રોલીંગ દરમિયાન ઈંડોનેશિયા અને વિયતનામના જહાજની ટક્કર

ન્યુઝ ડેસ્કઃ દરિયાઈ સુરક્ષા કરી રહેલી ઈંડોનેશિયાની નૌકા અને વિયતનામી જહાજ વચ્ચે ટક્કર થઈ હતી. ઈંડોનેશિયાના નૌકાદળે આ વાતની ખરાઈ કરી છે. નૌસેનાએ જણાવ્યુ છે કે, માછીમારી માટે ગેરકાયદેસર સીમામાં ઘુસી ગયેલી હોડીને રોકતા આ ઘટના બની હતી. બે દરિયાઈ નાવડીઓની અથડામણનો વીડિયો પણ સામે આવ્યો છે.

ઈંડોનેશિયાના પશ્ચિમી વિભાગના કંમાડરે નિવેદન આપ્યુ છે કે, માછીમારી માટે ઈંડોનેશિયાની હદમાં ઘુસી આવેલી નાવડી સાથે 12 વિયતનામી માછીમારોને પકડી લેવામાં આવ્યા છે. જ્યારે 2 માછીમારોને કાંઠા વિસ્તારની સુરક્ષા કરતાં દળે બચાવી લીધા હતાં.

તેમણે આ માછલી પકડવા આવેલી નૌકાને ઈંડોનેશિયાના નેતુના દ્વીપ શ્રૃંખલા વચ્ચે અટકાવી દીધા હતા. આ કાર્યવાહી દરમિયાન વિયતનામી જહાજે ઈંડોનેશિયાની પેટ્રોલીંગ કરતી નૌકાને ટક્કર મારી હતી. બે નાવડીઓ વચ્ચેના સંઘર્ષનો કથિત વીડિયો પણ ઈંડોનેશિયા દ્વારા શૂટ કરવામાં આવ્યો હોવાનું જાણવા મળ્યુ છે.