ચીનનું અંતરિક્ષયાન પ્રથમ રોવર સાથે મંગળ ગ્રહ પર ઉતર્યું

ચીનની અંતરિક્ષ એજન્સી ચાઇના નેશનલ સ્પેસ એડમિનિસ્ટ્રેશન (સીએનએસએ)એ શનિવારે સવારે પુષ્ટિ કરી હતી કે, મંગળ પર દેશના પહેલા રોવરને લઈ જઈ રહેલું એક અંતરિક્ષયાન'લાલ' ગ્રહ પર ઉતર્યું છે.

• દેશનું પહેલું રોવર મંગળ પર લઈ જતું અંતરિક્ષયાન 'લાલ ગ્રહ' પર ઉતર્યું છે
• ચીન મંગળ પર રોવર લેન્ડ કરનાર વિશ્વનો બીજો દેશ બન્યો છે
• રોવર 'ઝૂરોંગ'નું નામ ચીની પૌરાણિક કથાઓમાં અગ્નિ અને યુદ્ધના દેવતાના નામ પર રાખવામાં આવ્યું છે

બેઇજિંગ: ચીનની અંતરિક્ષ એજન્સી ચાઇના નેશનલ સ્પેસ એડમિનિસ્ટ્રેશન (સીએનએસએ)એ શનિવારે સવારે પુષ્ટિ કરી કે, દેશનું પહેલું રોવર મંગળ પર લઈ જતું અંતરિક્ષયાન 'લાલ ગ્રહ' પર ઉતર્યું છે. આ સાથે, ચીન મંગળ પર રોવર લેન્ડ કરનાર વિશ્વનો બીજો દેશ બન્યો છે.

ચીનનું અંતરિક્ષયાન પ્રથમ રોવર સાથે મંગળ ગ્રહ પર ઉતર્યું

આ પણ વાંચોઃLIVE: અંતરિક્ષ ક્ષેત્રમાં ભારત માટે રહેલી શક્યતા અંગેનો ઈસરોનો વેબિનાર

રોવર યુટોપિયા પ્લૈનિશિયામાં અગાઉ પસંદ કરેલા વિસ્તારમાં મંગળ પર ઉતર્યો હતો

સરકારી ન્યૂઝ એજન્સી શિન્હુઆએ અહેવાલ આપ્યો છે કે, રોવર 'ઝૂરોંગ'નું નામ ચીની પૌરાણિક કથાઓમાં અગ્નિ અને યુદ્ધના દેવતાના નામ પર રાખવામાં આવ્યું છે. આ રોવર યુટોપિયા પ્લૈનિશિયામાં અગાઉ પસંદ કરેલા વિસ્તારમાં મંગળ પર ઉતર્યો હતો.

મંગળ પર પહોંચતા રોવરનું વજન આશરે 240 કિલો છે

મંગળ પર પહોંચતા રોવરનું વજન આશરે 240 કિલો છે, તેમાં છ પૈડા અને ચાર સોલર પેનલ્સ છે અને 200 મીટર પ્રતિ કલાક સુધી ફરી શકે છે. તેમાં છ વૈજ્ઞાનિક ઉપકરણો છે, જેમાં બહુ-પરિમાણીય કેમેરો, રડાર અને હવામાનશાસ્ત્રના પગલા શામેલ છે. આશરે ત્રણ મહિના મંગળ ગ્રહ પર કામ કરવાની સંભાવના છે. એક ઓર્બિટર, લેન્ડર અને રોવર લઇને ગયેલા અંતરિક્ષયાન 'તિઆનવેન -1' 23 જુલાઈ 2020ના રોજ શરૂ થયું હતું. સૌરમંડળમાં અને સંસોધનના હેતુથી એક મિશનમાં જ ઓર્બિટિંગ (ભ્રમણકક્ષા), લેન્ડિંગ અને રોવિંગ પૂર્ણ કરવાના હેતુથી મંગળ પર પહોંચવાની દિશામાં આ ચાઇનાનું પ્રથમ પગલું છે.

રોવર 'નવ મિનિટની અગ્નિપરીક્ષા' બાદ શનિવારે મંગળ પર સફળતાપૂર્વક ઉતર્યું હતું

સીએનએસએ એક નિવેદનમાં જણાવ્યું છે કે, તેનું રોવર 'નવ મિનિટની અગ્નિપરીક્ષા' બાદ શનિવારે મંગળ પર સફળતાપૂર્વક ઉતર્યું હતું. અત્યાર સુધી, ફક્ત અમેરિકા જ મંગળ પર ઉતરાણ કરવામાં માસ્ટર છે. જ્ર્યારે રોવર સાથે મંગળ પર પહોંચવા વાળો ચીન બીજો દેશ બન્યો છે. નાસાનું પર્ક્યુશન રોવર લગભગ સાત મહિનાની યાત્રા પછી 18 ફેબ્રુઆરીએ મંગળ પહોંચ્યા હતા. અગાઉ અમેરિકા, રશિયા, યુરોપિયન સંઘ અને ભારત મંગળ પર અંતરિક્ષયાન મોકલવામાં સફળ રહ્યા છે.

ગ્રહ પર ઉતરવાના સંભવિત સ્થળોને ઓળખવામાં બે મહિનાથી વધુ સમય પસાર કર્યો

ચીનના રાષ્ટ્રપતિ શી જિનપિંગે મંગળ પર ચાઇનાના પ્રથમ રોવરને સફળતાપૂર્વક ઉતારવા બદલ સીએનએસએને અભિનંદન આપ્યા હતા. આ અંતરિક્ષયાન લગભગ સાત મહિનાના પ્રવાસ પછી ફેબ્રુઆરીમાં મંગળની કક્ષામાં પ્રવેશ્યું અને ગ્રહ પર ઉતરવાના સંભવિત સ્થળોને ઓળખવામાં બે મહિનાથી વધુ સમય પસાર કર્યો.

શનિવારની શરૂઆતમાં અવકાશયાને તેની ભ્રમણકક્ષામાંથી નીચે આવવાનું શરૂ કર્યું

શિન્હુઆએ કહ્યું કે, શનિવારની શરૂઆતમાં અંતરિક્ષયાને તેની ભ્રમણકક્ષામાંથી નીચે આવવાનું શરૂ કર્યું અને લેન્ડર અને રોવર ઓર્બિટરથી અલગ થઈ ગયું. લગભગ ત્રણ કલાક પ્રવાસ કર્યા પછી, એન્ટ્રી કેપ્સ્યુલ 125 કિ.મી.ની ઉંચાઇએ મંગળના વાતાવરણમાં ઘૂસી ગઈ. મંગળની સપાટીથી લગભગ 100 મીટરની ઉંચાઇ પર તેને અવરોધોનો સામનો કરવો પડ્યો હતો. પરંતુ તેણે અવરોધોને ટાળીને એક સુપરફિસિયલ વિસ્તાર પસંદ કર્યો અને ધીમે ધીમે નીચે ઉતરવાનું શરૂ કર્યું.

આ પણ વાંચોઃ28 જાન્યુઆરીઃ અંતરિક્ષ યાન ચેલેન્જર દુર્ઘટના, બીજી આ ઘટનાઓ બની

દરેક પગલા પર ખામી આવી હોત તો લેન્ડિંગ નિષ્ફળ થઇ જતું

સીએનએસએનું ચંદ્ર સંશોધન અને અવકાશ પ્રગતિ કેન્દ્રના અધિકારી ગેંગ યાને જણાવ્યું કે, "દરેક પગલા પર એક જ તક હતી અને જો તેમાં કોઈ ખામી આવી હોત તો લેન્ડિંગ નિષ્ફળ થઇ જતું."