'આસિયાન સંમેલન'માં જિનપિંગે કહ્યું- ચીન નથી ઇચ્છતુ દક્ષિણ-પૂર્વ એશિયા પર પ્રભુત્વ

આસિયાન (ASEAN)ના 10 સભ્યો સાથે એક ઑનલાઇન સંમેલન (online convention) દરમિયાન ચીની રાષ્ટ્રપતિ શી જિનપિંગ (xi jinping)એ કહ્યું કે, ચીન પ્રભુત્વવાદ અને સત્તાની રાજનીતિ (the politics of hegemony and power)નો દ્રઢતાથી વિરોધ કરે છે. પોતાના પાડોશીઓ સાથે મિત્રતાપૂર્ણ સંબંધ (friendly relationship) બનાવી રાખવા ઇચ્છે છે અને સંયુક્ત રીતે આ ક્ષેત્રમાં સ્થાયી શાંતિ (lasting peace) બનાવી રાખવા ઇચ્છે છે.

• આસિયાનના 10 સભ્યોના ઓનલાઇન સંમેલનમાં જિનપિંગનું નિવેદન
• ચીન દક્ષિણ-પૂર્વ એશિયા પર પ્રભુત્વ નહીં મેળવે
• પ્રભુત્વવાદ અને સત્તાની રાજનીતિનો દ્રઢતાથી વિરોધ કરે છે ચીન

બેઇજિંગ: ચીનના રાષ્ટ્રપતિ શી જિનપિંગ (xi jinping)એ દક્ષિણ ચીન સાગર (south China Sea)ને લઇને ચાલી રહેલા ઘર્ષણની વચ્ચે કહ્યું છે કે, તેમનો દેશ દક્ષિણ-પૂર્વ એશિયા (southeast asia) પર પ્રભુત્વ નહીં મેળવે અને ના પોતાના નાના પાડોશીઓ પર પ્રભુત્વ રાખશે. શીએ સોમવારના દક્ષિણ-પૂર્વ એશિયાઈ રાષ્ટ્ર સંઘ (ASEAN)ના 10 સભ્યોની સાથે એક ઑનલાઇન સંમેલન (online convention) દરમિયાન ટિપ્પણી કરી.

આસિયાનમાં મ્યાંમાર તરફથી કોઈ પ્રતિનિધિ નહીં

આ સંમેલન બંને પક્ષોની વચ્ચે સંબંધોની 30મી વર્ષગાંઠ ઉજવવાના ઉપલક્ષ્યમાં આયોજિત કરવામાં આવ્યું હતું. 2 રાજદ્ધારીઓએ જણાવ્યું કે, સોમવારની બેઠકમાં આસિયાન સભ્ય મ્યાંમાર (ASEAN member myanmar) તરફથી પ્રતિનિધિત્વ ન થયું કારણ કે સેના તરફથી થોપવામાં આવેલી ત્યાંની સરકારે આસિયાનના દૂતને પદભ્રષ્ટ નેતા આંગ સાન સૂ-ચી અને અન્ય ધરપકડ કરવામાં આવેલા રાજનેતાઓથી મળવાની પરવાનગી આપવાથી ઇનકાર કરી દીધો હતો. સૈન્ય શાસક જનરલ મિન આંગ હલિંગ (general min aung hlaing)ને પણ ગત આસિયાન શિખર સંમેલનમાં પોતાના દેશનું પ્રતિનિધિત્વ કરવાથી રોકી દેવામાં આવ્યા હતા.

શું કહ્યું જિનપિંગે?

ચીને પોતાની વધતી શક્તિ અને પ્રભાવ વિશે ચિંતાઓ દૂર કરવાનો વારંવાર પ્રયત્ન કર્યો છે. ખાસ કરીને આખા દક્ષિણ ચીન સાગર પર પોતાના દાવાને લઇને, જેના પર આસિયાનના સભ્ય મલેશિયા, વિયતનામ, બ્રુનેઈ અને ફિલીપાઇન્સ પણ દાવો કરે છે. ચીનની સત્તાવાર સમાચાર એજન્સી 'શિન્હુઆ' પ્રમાણે શીએ કહ્યું છે કે, "ચીન પ્રભુત્વવાદ અને સત્તાની રાજનીતિનો દ્રઢતાથી વિરોધ કરે છે. પોતાના પાડોશીઓની સાથે મૈત્રીપૂર્ણ સંબંધ બનાવી રાખવા ઇચ્છે છે અને સંયુક્ત રીતે આ ક્ષેત્રમાં સ્થાયી શાંતિ બનાવી રાખવા ઇચ્છે છે અને નિશ્ચિત રીતે વર્ચસ્વ નહીં જમાવે અથવા નાના દેશો પર વર્ચસ્વ નહીં ધરાવે."

ફિલીપાઇન્સની નૌકાઓ પર ચીની કોસ્ટ ગાર્ડનો પાણીથી પ્રહાર

શીએ આ ટિપ્પણી ચીનના કોસ્ટ ગાર્ડ જહાજો દ્વારા વિવાદિત દક્ષિણ ચીન સમુદ્ર કિનારે સૈનિકોને પુરવઠો પુરો પાડતી 2 ફિલીપાઇન્સની નૌકાઓને અવરોધિત કરવા અને તેમના પર પાણીના તીવ્ર ફુવારા કર્યાના કેટલાક દિવસ બાદ કરી છે.

આ પણ વાંચો: નવાબ મલિકે પોતાના ટ્વિટર પર શેર કરી સમીર વાનખેડેના નિકાહની તસવીર

આ પણ વાંચો: પઠાણકોટ આર્મી કેમ્પ પાસે ગ્રેનેડ હુમલો, હાઈએલર્ટ જાહેર