વિમાન હુમલો કરી સાઉદી અરબે લીધો બદલો, યમન પર એરસ્ટ્રાઈક, 31ના મોત

સાઉદી અરબે વિમાન પર થયેલા હુમલાનો બદલો લેવા માટે યમન પર એરસ્ટ્રાઈક કરી હતી. આ હવાઈ હુમલામાં 31ના મોત થયાં છે.

નવી દિલ્હી: સાઉદી અરબે યમન પર એરસ્ટ્રાઈક કરીને વિમાન પર થયેલા હુલાનો બદલો લીધો છે. આ હુમલામાં 31 લોકોનાં મોત થયાં છે. સ્થાનિક મીડિયા રિપોર્ટ અનુસાર, આ અગાઉ હૌતી બળવાખોરોએ સાઉદીના સૈનિકોના લડાકૂ વિમાન પર હુમલો કર્યો હતો, ત્યારબાદ સાઉદીએ આ હુમલાનો બદલો હવાઈ હુમલાથી લીધો છે.

ભારતીય સમય અનુસાર શનિવારે મોંડી રાત્રિએ યમન પર હુમલો કરવામાં આવ્યો છે. સમાચાર એજન્સી ANI મુજબ આ હુમલામાં 31 લોકોનાં મોત થયાં છે. ઉલ્લેખનીય છે કે, આ હુમલા બાદ બન્ને દેશો વચ્ચે તણાવમાં વધારો થયો છે.