કાબુલ: ગત અઠવાડિયે અફઘાનિસ્તાનમાં તાલિબાનના હુમલામાં લગભગ 291 અફઘાન સૈનિકો માર્યા ગયા હતા અને 550 ઘાયલ થયા હતા. 2001ના યુ.એસ.ના આક્રમણ પછી એક અઠવાડિયામાં દેશમાં સુરક્ષાદળોની આ સૌથી મોટી સંખ્યાને જાનહાની થઈ છે. શુક્રવારે સરકારે આ માહિતી આપી હતી.
રાષ્ટ્રીય સુરક્ષા પરિષદના પ્રવક્તા જાવિદ ફૈસલે જણાવ્યું હતું કે, તાલિબાનોએ 32 પ્રાંતોમાં 422 હુમલાઓ કર્યા હતા, જેમાં અફઘાન રાષ્ટ્રીય સંરક્ષણ અને સુરક્ષા દળના 291 સભ્યો માર્યા ગયા હતા અને 550 અન્ય ઘાયલ થયા હતા.