યુએસએ ભારતને રશિયા S-400 મિસાઇલ સિસ્ટમની ડિલિવરી અંગે ચિંતા વ્યક્ત કરી

યુએસએ રશિયા દ્વારા ભારતને S-400 ટ્રાયમ્ફ સરફેસ-ટુ-એર મિસાઈલ(S-400 Triumph surface-to-air missile) સિસ્ટમની સપ્લાય પર ચિંતા વ્યક્ત કરી હતી, પરંતુ આ ડીલને કેવી રીતે પાર પાડવી તે અંગે કોઈ નિર્ણય લીધો નથી. પેન્ટાગોનના એક વરિષ્ઠ અધિકારીએ આ માહિતી આપી.

• યુએસએ ભારતને રશિયા S-400 મિસાઇલ સિસ્ટમની ડિલિવરી અંગે ચિંતા વ્યક્ત કરી
• ભારત-રશિયા વચ્ચેના વ્યવહાર વિષે અમેરિકાએ હજુ નિર્ણય લીધો નથી
• બિડેન વહીવટીતંત્રે સ્પષ્ટ કર્યું નથી કે S-400 મિસાઈલ ભારત પર પ્રતિબંધો લાદશે કે કે

વોશિંગ્ટનઃ અમેરિકાએ રશિયા દ્વારા ભારતને S-400 ટ્રાયમ્ફ સરફેસ-ટુ-એર મિસાઈલ(S-400 Triumph surface-to-air missile) સિસ્ટમની સપ્લાય પર ચિંતા વ્યક્ત કરી છે, પરંતુ આ ડીલ કેવી રીતે કરવી તે અંગે કોઈ નિર્ણય લીધો નથી. પેન્ટાગોનના એક વરિષ્ઠ અધિકારીએ આ માહિતી આપી. S-400ને રશિયાની સૌથી અદ્યતન લાંબા અંતરની સપાટીથી હવામાં શસ્ત્ર પ્રણાલી ગણવામાં આવે છે.

આ સપ્લાય અંગે ભારતીય વાયુસેના(Indian Air Force) તરફથી કોઈ સત્તાવાર ટિપ્પણી કરવામાં આવી નથી, પરંતુ રશિયાની(Russia) ફેડરલ સર્વિસ ફોર મિલિટરી-ટેક્નિકલ કોઓપરેશન (FSMTC)ના ડિરેક્ટર દિમિત્રી શુગેવે ગયા અઠવાડિયે સ્પુટનિક ન્યૂઝ એજન્સીને જણાવ્યું હતું કે આ મિસાઈલોના સપ્લાયનું આયોજન કરવામાં આવ્યું હતું.

જ્હોન કિર્બીએ સિસ્ટમ વિશે ચિંતાઓ સ્પષ્ટપણે વ્યક્ત કરી

પેન્ટાગોનના પ્રવક્તા જ્હોન કિર્બીએ સોમવારે એક પ્રેસ બ્રીફિંગમાં જણાવ્યું હતું કે, અમે આ સિસ્ટમ વિશે અમારી ચિંતાઓ અમારા ભારતીય ભાગીદારો સમક્ષ ખૂબ જ સ્પષ્ટપણે વ્યક્ત કરી છે. ભારતને S-400ની પ્રથમ બેચ મળવાને લઈને સંરક્ષણ વિભાગ(Department of Defense) કેટલું ચિંતિત છે. મિસાઇલ સિસ્ટમના કેટલાક ઘટકોનો પુરવઠો શરૂ થયો હોવાનું માનવામાં આવે છે અને તમામ મહત્વપૂર્ણ ઘટકો હજુ ભારત સુધી પહોંચવાના બાકી છે. જોકે, કિર્બીએ સંકેત આપ્યો હતો કે ભારત અને રશિયા વચ્ચેના વ્યવહારને કેવી રીતે પાર પાડવો તે અંગે અમેરિકાએ હજુ સુધી નિર્ણય લીધો નથી.

S-400 મિસાઈલનો ઉપયોગ કોઈપણ દેશ માટે ખતરનાક

યુએસ ડેપ્યુટી સેક્રેટરી ઓફ સ્ટેટ(US Deputy Secretary of State) વેન્ડી શેરમેને ગયા મહિને ભારતની મુલાકાત દરમિયાન કહ્યું હતું કે, S-400 મિસાઈલનો ઉપયોગ કરવાનો નિર્ણય લેનાર કોઈપણ દેશ ખતરનાક છે અને કોઈની સુરક્ષાના હિતમાં નથી. આ ઉપરાંત અમેરિકા અને ભારત ખરીદીને લઈને મતભેદો દૂર કરશે અને એવું માનવામાં આવે છે કે ભારત-અમેરિકા વચ્ચે આ મુદ્દે ચર્ચા થઈ રહી છે. ભારતે ઓક્ટોબર 2018માં S-400 એર ડિફેન્સ મિસાઈલ સિસ્ટમના પાંચ યુનિટ ખરીદવા માટે રશિયા સાથે 5 ડૉલર બિલિયનના સોદા પર હસ્તાક્ષર કર્યા હતા. તે સમયે ટ્રમ્પ પ્રશાસને ચેતવણી આપી હતી કે અમેરિકા આવા સોદા પર પ્રતિબંધ લાદી શકે છે.

બિડેન વહીવટીતંત્રે હજુ સુધી સ્પષ્ટ કર્યું નથી કે તે તેના કાયદાની જોગવાઈઓ હેઠળ S-400 મિસાઈલ સિસ્ટમ ખરીદવા માટે ભારત પર પ્રતિબંધો લાદશે કે કેમ.

આ પણ વાંચોઃ જાપાનના વડાપ્રધાન તરીકે એકવાર ફરી ફુમિયો કિશિદા ચૂંટાઈ આવ્યા

આ પણ વાંચોઃ આફ્રિકામાં તેલનું ટેન્કર ફાટ્યુ , 92 લોકોએ ગુમાવ્યો જીવ