90 ટકા પુખ્ત વયના અમેરિકનોએ આગામી 3 અઠવાડિયામાં કોરોના રસી લઈ લેશે: જો બાઈડન

જો બાઈડને કોરોના રસીને લઈને એક જાહેરાત કરતા કહ્યું કે, 90 ટકા પુખ્ત વયનાં લોકોએ આજથી 3 અઠવાડિયા પછી કોરોના રસી લઈ લીધી હશે. આ સાથે તેમણે દેશમાં કોરોના વાઇરસના વધતા જતા કેસો અંગે ચેતવણી પણ આપી છે.

• દેશમાં કોરોના વાઇરસના વધતા જતા કેસોને લઈને ચેતવણી આપી
• યુએસ સેનેટમાં કોરોના માટે 1.9 ખરબ ડૉલરનું બિલ પસાર કર્યું
• રિપબ્લિકન પાર્ટીના સભ્યો પેકેજ પસાર કરવામાં સેનેટમાં અવરોધરૂપ રહ્યા

વૉશિંગ્ટન: અમેરિકી રાષ્ટ્રપતિ જો બાઈડને કોરોના રસીને લઈને એક મહત્વપૂર્ણ જાહેરાત કરી હતી. તેમણે કહ્યું હતું કે, 90 ટકા પુખ્ત વયનાં લોકોએ આજથી 3 અઠવાડિયા પછી કોરોના રસી લઈ લીધી હશે. 90 ટકા અમેરિકનો 8 kmની ત્રિજ્યાની અંદર રસી લઈ શકશે. બાઈડને કહ્યું હતું કે, 19મી એપ્રિલ સુધીમાં, 90 ટકા અમેરિકન પુખ્ત વયના લોકોને કોરોના રસી મળશે. આ સાથે તેમણે દેશમાં કોરોના વાઇરસના વધતા જતા કેસો અંગે ચેતવણી પણ આપી છે.

આ પણ વાંચો:અમેરિકાના રાષ્ટ્રપતિ જો બાઈડને 19 ખરબ અમેરિકી ડોલરના રાહત પેકેજને આપી મંજૂરી

1.9 ખરબ ડૉલરનું બિલ પસાર

યુએસ સેનેટમાં કોરોના માટે 1.9 ખરબ ડૉલરનું બિલ પસાર કર્યા પછી મહોર મારી હતી. અમેરિકાના રાષ્ટ્રપતિ જો બાઈડને તેમના 1.9 ખરબ ડૉલરના કોરોના રાહત પેકેજની તરફેણમાં જનમત મેળવવા માટે સીધા લોકો પાસે ગયા હતા.

રિપબ્લિકન પાર્ટીના સભ્યો સેનેટમાં અવરોધરૂપ

રિપબ્લિકન પાર્ટીના સભ્યો આ પેકેજ પસાર કરવામાં સેનેટમાં અવરોધરૂપ રહ્યા હતા. આને ધ્યાનમાં રાખીને, બાઈડન વિસ્કોન્સિન રાજ્યના મિલવૌકી શહેરમાં જન સભાને સંબોધન કરવા અને લોકોના પ્રશ્નોના સીધા જવાબો આપવા ગયા.

આ પણ વાંચો:અમેરિકા નવા એજન્ડાના માર્ગ પર

અત્યાર સુધી કોરોનાના કારણે અમેરિકામાં 5.29 લાખના મોત

જો બાઈડને રાષ્ટ્રપતિ પદ સંભાળ્યા પછી પહેલી વખત રાષ્ટ્રને પોતાના પ્રાઈમ ટાઈમ સંબોધન આપવાથી કેટલાક કલાક પહેલા જ રાહત પેકેજના બીલ પર હસ્તાક્ષર કર્યા છે. જોકે, હાલમાં અમેરિકામાં કોરોના વાઈરસ મહામારીના કારણે 5.29 લાખથી વધુ લોકોના મોત થઈ ગયા છે. ઓવલ કાર્યાલયમાં આ બીલ પર હસ્તાક્ષર કરતા બાઈડને આ બીલને ઐતિહાસિક ગણાવ્યું હતું.