USના 2 સેનેટરનો બાઇડેનને પત્ર, રશિયાથી મિસાઇલ સિસ્ટમ ખરીદવાને લઇને ભારત પર ન લગાવે પ્રતિબંધ

અમેરિકાના 2 સેનેટરો (2 US Senators)એ રાષ્ટ્રપતિ બાઇડેન (Joe Biden)ને ભારતની તરફેણમાં પત્ર લખ્યો છે. રશિયાથી S-400 મિસાઈલ સિસ્ટમ (S-400 Missile System)ની ખરીદી પર પ્રતિબંધો ન લાદવાની અપીલ કરી હતી.

• અમેરિકાના 2 સેનેટરનો બાઇડેનને આગ્રહ
• રશિયાથી S-400 મિસાઇલ સિસ્ટમ ખરીદવા પર ભારત પર ના લગાવે પ્રતિબંધ
• અમેરિકાની રાષ્ટ્રિય સુરક્ષાના હિતનું કારણ આગળ ધર્યું

વૉશિંગ્ટન: અમેરિકામાં 2 સેનેટર (US Senators)એ મંગળવારના રાષ્ટ્રપતિ જો બાઇડેન (Joe Biden)ને આગ્રહ કર્યો કે રશિયાથી S-400 મિસાઇલ સિસ્ટમ ખરીદવાને લઇને ભારતની વિરુદ્ધ કાઉન્ટરિંગ અમેરિકાઝ એડવર્સરીઝ થ્રૂ સેંક્શન્સ એક્ટ (CAATSA)ની દંડની જોગવાઈઓ લાગુ ના કરે.

CAATSA હેઠળ ભારતને છૂટ આપવી જોઇએ

બાઇડેનને લખેલા પત્રમાં ડેમોક્રેટિક પાર્ટીના સેનેટર માર્ક વૉર્નર અને રિપબ્લિકન પાર્ટીના જોન કૉર્નિને રાષ્ટ્રપતિ બાઇડેનને આગ્રહ કર્યો છે કે CAATSA હેઠળ રાષ્ટ્રીય હિતને ધ્યાનમાં રાખતા ભારતને આની જોગવાઇઓથી છૂટ આપવી જોઇએ. તેમણે કહ્યું કે, આવું અમેરિકાની રાષ્ટ્રિય સુરક્ષાના હિતમાં છે.

રશિયન સાધનોની ખરીદીના વિકલ્પોનું સમર્થન

પત્રમાં સાંસદોએ લખ્યું છે કે, 'અમે રશિયન સાધનો ખરીદવાના સંબંધમાં તમારી ચિંતાને સમજીએ છીએ. અમે તમારી સરકારને ભારતીય અધિકારીઓની સમક્ષ આ ચિંતાને મજબૂતીથી ઉઠાવવાનું ચાલું રાખવા માટે પ્રોત્સાહિત કરીશું. ભારતની સાથે રચનાત્મક રીતે જોડાઇને રશિયન સાધનોની ખરીદીના વિકલ્પોનું સમર્થન કરવાનું પણ ચાલું રાખીશું.'

આ પણ વાંચો:કોરોનાનું પુનરાગમન: ચીને લોકડાઉનની જાહેરાત કરી

આ પણ વાંચો: જાપાનની રાજકુમારી માકોએ સામાન્ય વ્યક્તિ સાથે માંડ્યો સંસાર: ગુમાવ્યો શાહી દરજ્જો