ટેક્સાસની યુનિવર્સિટીમાં ફાયરિંગ, 2ના મોત, 1 ઘાયલ

અમેરિકાની ટેક્સાસ યુનિવર્સિટી કેમ્પસમાં 3 ફેબ્રુઆરીના રોજ ફાયરિંગની ઘટના બનાવાથી લોકોમાં દોડધામ મચી ગઇ હતી. આ ઘટનામાં 2 લોકોના મોત, જ્યારે એક બાળક ઘાયલ થયું હતું. જેના કારણે વિદ્યાર્થીઓના તમામ ક્લાસ પણ રદ કરવામાં આવ્યાં હતાં.

ટેક્સાસઃ અમેરિકાની ટેક્સાસ યુનિવર્સિટી કેમ્પસમાં 3 ફેબ્રુઆરીના રોજ ફાયરિંગની ઘટના બની હતી. આ ઘટનામાં 2 લોકોના મોત થયા, જ્યારે એક વ્યક્તિ ઘાયલ થઇ હતી.

મળતી માહિતી મુજબ ટેક્સાસ A એન્ડ M કોમર્સ કેમ્પસમાં આ ઘટનાને અંજામ આપ્યો હતો. અમેરિકામાં ફાયરિંગની ઘટના બનવાથી સરકાર ચિંતિત છે. અધિકારીઓના જણાવ્યાં પ્રમાણે, ટેક્સાસ એ એન્ડ એમ યુનિવર્સિટી પરિસરના નિવાસ હોલમાં ફાયરિંગની ઘટનામાં બે મહિલાઓના મોત થયા છે. એક બાળક ઘાયલ છે. ઘાયલ બાળક માત્ર 2 વર્ષનું છે, તેને સારવાર માટે સ્થાનિક હોસ્પિટલમાં દાખલ કરાયું છે. હાલ તેની સ્થિતિ સ્થિર છે.

આ ફાયરિંગ કરનાર ઇસમોને ઓળખી શકાયા નથી. ટેક્સાસ એ એન્ડ એમ કોમર્સ પોલીસ પ્રમુખ બ્રાયન વોને એક બ્રિફિંગમાં આ જાણકારી આપી હતી. પોલીસની તપાસ પ્રક્રિયા શરૂ હોવાથી વિદ્યાર્થીઓના વર્ગ પણ રદ કરવામાં આવ્યાં હતાં.