હૈદરાબાદ: બોલિવૂડના સુપરસ્ટાર અભિનેતા સંજય દત્ત આ દિવસોમાં ફિલ્મ 'KGF ચેપ્ટર-2'ને લઈને ચર્ચામાં છે. રોકિંગ સ્ટાર યશ સ્ટારર ફિલ્મમાં સંજય દત્તે અધીરાની ભૂમિકા ભજવી છે. આ ફિલ્મ બોક્સ ઓફિસ પર કમાણીના ઘણા રેકોર્ડ પણ તોડી રહી છે. આ દરમિયાન, આજે (16 એપ્રિલ) દેશભરમાં હનુમાન જયંતિની ઉજવણી કરવામાં આવી રહી છે. આ અવસર પર સંજય દત્તે એક તસવીર શેર કરીને ચાહકોને (Sanjay Dutt Wishes Hanuman Jayanti) હનુમાન જયંતિની શુભેચ્છા પાઠવી છે.
આ પણ વાંચો :Bollywood Video: સંજય દત્તે પોતાના જન્મદિવસ પર શેર કર્યુ KGF-2નું નવું પોસ્ટર
સંજય દત્તે ઇન્સ્ટાગ્રામ શું લખ્યું - સંજય દત્તે પોતાના ઈન્સ્ટાગ્રામ (Sanjay Dutt Instagram) એકાઉન્ટ પર પોતાની એક શ્રેષ્ઠ તસવીર શેર કરી છે. આ તસવીરની સાથેના કેપ્શનમાં અભિનેતાએ લખ્યું, “સબ સુખ લહે તુમ્હારી સરના, તુમ રક્ષક કાહુ કો ડર. જય હનુમાન, આપ સૌને હનુમાન જયંતિની (Happy Hanuman Jayanti) શુભકામનાઓ...! આ પહેલા સંજય દત્તે ચાહકોને રામનવમીની શુભેચ્છા પાઠવી હતી. સંજય દત્તના વર્કફ્રંટની વાત કરીએ તો, KGF-2 સિવાય અભિનેતા ફિલ્મ 'ઘૂડચડી' પણ કરી રહ્યો છે. આ ફિલ્મમાં ફરી એકવાર 90ના દાયકાની સુંદર અભિનેત્રી રવિના ટંડન અભિનેતા સાથે જોવા મળશે.
આ પણ વાંચો :સંજય દત્તથી લઈને શનાયા કપૂર સુધી, બી-ટાઉન સેલેબ્સે કરણ જોહરને જન્મદિવસની શુભેચ્છા
'ઘૂડચડી' ફિલ્મથી આ કલાકારે કર્યુ ડેબ્યૂ -'ઘૂડચડી' ફિલ્મનું શૂટિંગ ગયા મહિને જ શરૂ થયું હતું. જેમાં ટીવી એક્ટર પાર્થ સમથાન આ ફિલ્મથી બોલિવૂડમાં ડેબ્યૂ કરવા જઈ રહ્યો છે. આ ફિલ્મમાં ગુલશન કુમારની પુત્રી ખુશાલી કુમાર લીડ રોલમાં હશે. આ ફિલ્મનું નિર્માણ ભૂષણ કુમારે કર્યું છે અને બિનોય ગાંધીએ ફિલ્મનું નિર્દેશન કર્યું છે. ફિલ્મો સિવાય સંજય દત્ત સોશિયલ મીડિયા પર પણ એક્ટિવ રહે છે. તે દરરોજ તેની અદભુત તસવીરો ચાહકો (Hanuman Jayanti 2022) સાથે શેર કરતો રહે છે. તેમજ અભિનેતાએ KGF-2 ફિલ્મની (Sanjay Dutt Shared Hanuman Jayanti picture) તેની ઘણી તસવીરો પણ શેર કરી છે.
