Box Office Collection: 'જરા હટકે જરા બચકે' બોક્સ ઓફિસ પર 80 કરોડની નજીક પહોંચી

વિકી કૌશલ અને સારા અલી ખાનની ફિલ્મ 'જરા હટકે જરા બચકે' અજાયબી કરી રહી છે. ફિલ્મની કમાણી ફરી એકવાર વધી રહી છે. આવો જાણીએ ફિલ્મે 24માં દિવસે કેટલી કમાણી કરી. 'આદિપુરુષ' ફિલ્મની સામે વિકી અને સારા અલી ખાનની ફિલ્મે જાદુ ચલાવ્યો છે. હવે આ ફિલ્મ બમણી કમાણી કરવા જઈ રહી છે.

મુંબઈ:વિકી કૌશલ અને સારા અલી ખાનની રોમેન્ટિક-ડ્રામા ફિલ્મ 'જરા હટકે જરા બચકે' તારીખ 26 જૂને રિલીઝના 25માં દિવસે ચાલી રહી છે. ગયા રવિવારે તારીખ 25 જૂને ટિકિટ બારી પર ફિલ્મે ફરી એકવાર પોતાનો કરિશ્મા બતાવ્યો છે. 'જરા હટકે જરા બચકે'ની સાથે વિવાદાસ્પદ ફિલ્મ 'આદિપુરુષ' પણ સિનેમાઘરોમાં સંઘર્ષ કરી રહી છે. વિકી અને સારાની ફિલ્મ 'આદિપુરુષ' પર કોઈ અસર દેખાઈ રહી નથી, પરંતુ ફિલ્મની કમાણી વધુ વધી રહી છે.

ફિલ્મની કમાણીમાં ઉછાળો: ફિલ્મ 'જરા હટકે જરા બચકે'એ તેના 24માં દિવસે બોક્સ ઓફિસ પર ધમાલ મચાવી છે. 'આદિપુરુષ'ની રિલીઝના એક દિવસ પહેલા તારીખ 16 જૂને ફિલ્મ 'જરા હટકે જરા બચકે'એ લાખોની કમાણી કરી હતી. ફિલ્મનું અત્યાર સુધીનું સૌથી ઓછું કલેક્શન 99 લાખ રૂપિયા છે, પરંતુ જેમ જેમ 'આદિપુરુષ' રિલીઝ થઈ અને વિવાદોમાં આવી ગઈ કે તરત જ ફિલ્મ 'જરા હટકે જરા બચકે'ની કમાણીમાં ફરી ઉછાળો થયો હતો.

બોક્સ ઓફિસ કલેક્શન: 'જરા હટકે જરા બચકે' ફિલ્મે તારીખ 24 જૂને 2.25 કરોડ અને 25 જૂન રવિવારના રોજ 2.75 કરોડનો બિઝનેસ કરીને બોક્સ ઓફિસ પર ફરી પોતાનો જાદુ બતાવવાનું શરૂ કર્યું છે. ફિલ્મે તેના ત્રીજા સપ્તાહમાં માત્ર 1 કરોડની કમાણી કરી હતી અને હવે ફિલ્મ તેના ચોથા સપ્તાહમાં ચાલી રહી છે. ફિલ્મની કુલ કમાણી તેની કિંમત કરતા બમણીની નજીક પહોંચી ગઈ છે.

80 કરોડની નજીક: 40 કરોડ રૂપિયાના બજેટમાં બનેલી ફિલ્મ 'જરા હટકે જરા બચકે' તેની કિંમત કરતા બમણી આવકની નજીક પહોંચી ગઈ છે. બોક્સ ઓફિસ પર 25માં દિવસના કલેક્શનથી ફિલ્મની કુલ કમાણીનો આંકડો 78.85 કરોડ રૂપિયા થઈ ગયો છે. હવે આ ફિલ્મ સોમવારે તારીખ 26 જૂને 80 કરોડનો આંકડો પાર કરી શકશે કે કેમ તે જોવું રહ્યું.