હૈદરાબાદઃ પાડોશી દેશ પાકિસ્તાનની ફેમસ એક્ટ્રેસ સજલ અલી (Who is Sajal Aly) ફરી એકવાર ચર્ચામાં આવી છે. સજલ વિશે એવું કહેવામાં આવી રહ્યું છે કે, તેના દેશ પાકિસ્તાનની સેનાએ તેનો ઉપયોગ 'હની ટ્રેપ ગર્લ' તરીકે કર્યો હતો. આટલું જ નહીં સજલ સિવાય ઘણી પાકિસ્તાની અભિનેત્રીઓના નામ પણ આમાં સામેલ થયા છે. મીડિયા રિપોર્ટ્સ અનુસાર આ ચોંકાવનારો ખુલાસો રિટાયર્ડ પાકિસ્તાની સૈન્ય અધિકારી મેજર આદિલ રાજા (Sajal Aly Pakistan army)એ કર્યો છે. તેણે દાવો કર્યો છે કે, પાકિસ્તાની સેના દ્વારા હની ટ્રેપિંગ માટે કેટલીક અભિનેત્રીઓનો ઉપયોગ કરવામાં આવ્યો હતો. આ સમાચાર સોશિયલ મીડિયા પર આગની જેમ ફેલાઈ ગયા છે અને હવે અભિનેત્રી સજલ અલીએ પણ તેના પર પ્રતિક્રિયા આપી છે. આવો જાણીએ આ સમાચાર પર અભિનેત્રીની શું પ્રતિક્રિયા છે અને એ પણ જાણીએ કે, કોણ છે આ સજલ અલી ?
આ પણ વાંચો:સલમાન માટે 1100 કિમી સાઇકલ ચલાવીને મુંબઈ પહોંચ્યો, જાણો કોણ છે આ યુવાન
અભિનેત્રીની પ્રતિક્રિયા:જ્યારે આ સમાચાર સોશિયલ મીડિયા પર આગની જેમ ફેલાવા લાગ્યા, ત્યારે અભિનેત્રીએ તેના ટ્વિટર હેન્ડલ પર તેની પ્રતિક્રિયા આપી છે. અભિનેત્રી ખૂબ ગુસ્સે છે અને તેણે પોતાના દેશના આ કૃત્યની આકરી ટીકા કરી છે. અભિનેત્રીએ ટ્વીટમાં લખ્યું, 'આ ખૂબ જ દુઃખની વાત છે કે, આપણો દેશ નૈતિક રીતે નિરાધાર અને કદરૂપો બની રહ્યો છે, ચારિત્ર્ય હત્યા માનવતા અને પાપનું સૌથી ઘૃણાસ્પદ સ્વરૂપ છે.'
જાણો સજલ અલી વિશે:સજલ એક પાકિસ્તાની અભિનેત્રી છે, જેનો જન્મ તારીખ 17 જાન્યુઆરી 1994ના રોજ લાહોર, પાકિસ્તાનમાં થયો હતો. સજલે વર્ષ 2009માં TV શો 'નાદાનિયાં'થી અભિનયની શરૂઆત કરી હતી. સજલ પાકિસ્તાનની પ્રખ્યાત TV અભિનેત્રીઓમાંની એક છે. તેણીએ 10 વર્ષથી વધુની TV કારકિર્દીમાં અત્યાર સુધીમાં 36થી વધુ સિરિયલોમાં અભિનેત્રી તરીકે કામ કર્યું છે.