હૈદરાબાદઃસાઉથના સુપરસ્ટાર પ્રભાસની મોસ્ટ અવેટેડ ફિલ્મ 'સલાર પાર્ટ 1 સીઝફાયર'ની આતુરતાથી રાહ જોઈ રહેલા ફેન્સ માટે સારા સમાચાર આવ્યા છે. પ્રભાસના ચાહકો લાંબા સમયથી 'સલાર'ને લઈને ફિલ્મના ટ્રેલર અને રિલીઝની રાહ જોઈ રહ્યા છે. હવે, પ્રભાસના ચાહકો માટે સારા સમાચાર છે કે સલારના ટ્રેલરની રિલીઝ ડેટ જાહેર થઈ ગઈ છે. સલાર, હોમ્બલ ફિલ્મ્સના નિર્માતાઓએ તેમના સત્તાવાર ઇન્સ્ટાગ્રામ એકાઉન્ટ પર આજે, 30મી નવેમ્બરે ફિલ્મ સલાર સીઝ ફાયરના ટ્રેલરની રિલીઝ તારીખની જાહેરાત કરી છે. પ્રભાસના ચાહકોને સલારના ટ્રેલર માટે વધુ રાહ જોવી પડશે નહીં.
સલારનું ટ્રેલર ક્યારે અને કેટલા વાગ્યે રિલીઝ થશે?:તમને જણાવી દઈએ કે, સલાર પાર્ટ 1 સીઝફાયરનું ટ્રેલર આવતીકાલે એટલે કે 1લી ડિસેમ્બરે રિલીઝ થશે. સલારનું ટ્રેલર આવતીકાલે 1લી ડિસેમ્બરે સાંજે 7.19 વાગ્યે રિલીઝ થશે. સલારના નિર્માતાઓએ આ ખુશખબર સાથે એક ફોટો પણ શેર કર્યો છે. આ ફોટોમાં સલારના દિગ્દર્શક પ્રશાંત નીલ અને મુખ્ય અભિનેતા પ્રભાસ જોવા મળે છે. આ ફોટો શેર કરીને મેકર્સે દર્શકોને એક શાનદાર ઓફર રજૂ કરી છે.