મુંબઈઃ'ધ નાઈટ મેનેજર' ડિઝની પ્લસ હોટસ્ટાર પર સૌથી વધુ જોવાયેલ શો બની ગયો છે. આ વાતની પુષ્ટિ ખુદ નિર્માતાઓએ કરી છે. જાસૂસી થ્રિલર 'ધ નાઇટ મેનેજર' માં તેમના પાત્રથી ફરી એકવાર આપણા દિલો અને દિમાગ પર રાજ કરનાર બોલિવુડ અભિનેતા અનિલ કપૂરે આ સિરિઝમાં તેમની ભૂમિકા વિશે ખુલાસો કર્યો છે. તેણે કહ્યું કે, તેને શૈલેન્દ્ર 'શેલી' રૂંગટાનું પાત્ર ભજવવાની મજા આવી.
ટીમને અભિનંદન પાઠવ્યાં: અનિલે કહ્યું, 'મને શેલી રૂંગટાનું પાત્ર જાણીને આનંદ થયો. અમારા મિત્રો, પરિવાર અને ચાહકો તરફથી અમને ખૂબ જ પ્રશંસા મળી રહી છે. સિરીઝની સફળતા માટે સમગ્ર ટીમને અભિનંદન.' આ શોમાં આદિત્ય રોય કપૂર પણ શાન સેનગુપ્તાની ભૂમિકામાં છે, તેના વિશે વાત કરતાં આદિત્યએ શેર કર્યું કે, ''ધ નાઈટ મેનેજર' ઈન્ટરનેટ પર સૌથી વધુ જોવાયેલી સિરીઝોમાંની એક તરીકે ઉભરી આવી છે અને તે આપણા બધા માટે એક ટ્રીટ છે. ખુશીની એક મહાન ક્ષણ છે. ટીમે ખૂબ જ મહેનત કરી છે, અમારા પ્રયત્નો ફળ્યા.'
ચાહકોનો ફેવરિટ શો: આદિત્યએ કહ્યું, 'શાન સેનગુપ્તા એક એવું પાત્ર છે, જે હંમેશા મારા દિલની નજીક રહેશે.' ગૌરવ બેનર્જીએ, હેડ કન્ટેન્ટ, ડિઝની પ્લસ હોટસ્ટાર અને HSM એન્ટરટેઈનમેન્ટ નેટવર્ક, ડિઝની સ્ટારે જણાવ્યું હતું કે, "અમે ધ નાઈટ મેનેજર'ના પ્રદર્શનથી અત્યંત ખુશ છીએ, જે હવે ડિઝની પ્લસ હોટસ્ટાર પર વર્ષનો સૌથી સફળ શો છે.' બનિજય એશિયાના સ્થાપક અને સીઈઓ દીપક ધરે શેર કહ્યું કે, 'આ શો ચાહકોનો ફેવરિટ બની ગયો છે.'
ડિઝની પ્લસ હોટસ્ટાર: મેકર અને ડિરેક્ટર સંદીપ મોદીએ જણાવ્યું હતું. 'શૉ માટે મારું સપનું સાકાર કરવા માટે સમગ્ર ટીમ અને કલાકારોએ ખૂબ જ મહેનત કરી છે.' 'ધ નાઈટ મેનેજર' એ જ્હોન લે કેરેસની નવલકથાનું હિન્દી રૂપાંતરણ છે, જેનું નિર્માણ ધ ઈંક ફેક્ટરી અને બનિજય એશિયા દ્વારા કરવામાં આવ્યું છે. આ થ્રિલર ડિટેક્ટીવ સિરીઝ ડિઝની પ્લસ હોટસ્ટાર પર સ્ટ્રીમ કરવામાં આવી રહી છે.
- Shah Rukh Khan: શાહરૂખ ખાનની ઈજા બાદ પીગળી ગયું રાખી સાવંતનું દિલ, વીડિયો વાયરલ
- Deep Veer : દીપિકાએ રણવીર સિંહના જન્મદિવસ પર કરી આવી મજેદાર પોસ્ટ, અભિનેતાએ કહ્યું ઓહ!
- Salaar Teaser Out :પ્રભાસની 'સાલાર'નું ટીઝર રિલીઝ, એક્શન અને સ્ટંટ તમારા દિમાગને ઉડાવી દેશે
