હૈદરાબાદઃબોલિવૂડની સુંદર અભિનેત્રી સુષ્મિતા સેન છેલ્લા કેટલાક દિવસોથી ચર્ચામાં છે. અભિનેત્રી ક્યારેક તેની તબિયતને લઈને તો ક્યારેક તેની આગામી સીરિઝ 'તાલી' માટે હેડલાઈન્સમાં રહે છે. હાલ તારીખ 31 માર્ચે આંતરરાષ્ટ્રીય ટ્રાન્સજેન્ડર ડે ઓફ વિઝિબિલિટી પર તેમની સીરિઝ 'તાલી' સાથે સંબંધિત એક વીડિયો શેર કર્યો છે. તેેમણે સમાજમાં વ્યંઢળો પ્રત્યે એક સામાજિક સંદેશ આપ્યો છે.
આ પણ વાંચો:Harrdy Sadhu: હાર્ડી સંધુએ પરિણીતી ચોપરાને પાઠવ્યા અભિનંદન, અભિનેત્રીના લગ્ન અંગે કરી સ્પષ્ટતા
ઈન્ટરનેશનલ ટ્રાન્સજેન્ડર ડે ઓફ વિઝિબિલિટી: આંતરરાષ્ટ્રીય ટ્રાન્સજેન્ડર ડે ઓફ વિઝિબિલિટી દર વર્ષે તારીખ 31 માર્ચે ઉજવવામાં આવે છે. આ ખાસ દિવસે વ્યંઢળોના અધિકારો અને તેમની સાથે થતા અન્યાય અને ભેદભાવની ચર્ચા કરવામાં આવે છે. અભિનેત્રી સુષ્મિતા સેને 'ઈન્ટરનેશનલ ટ્રાન્સજેન્ડર ડે ઓફ વિઝિબિલિટી'ના અવસર પર સોશિયલ મીડિયા પર એક વીડિયો શેર કર્યો છે.
સુષ્મિતા સેન અને શ્રીગૌરી સાવંતનો વીડિયો: આ વીડિયોમાં તે સોશિયલ વર્કર અને ટ્રાન્સજેન્ડર એક્ટિવિસ્ટ ટ્રાન્સજેન્ડર શ્રીગૌરી સાવંત સાથે જોવા મળી રહી છે. વીડિયોની શરૂઆતમાં ગૌરી તાળીઓ પાડતી અને કહેતી જોવા મળે છે, 'ક્યૂં બજતી હૈ તાલી ? માત્ર થોડા પૈસા માંગવા માટે ? તમારું ધ્યાન ખેંચવા માટે ? તમારો ગુસ્સો કાઢવા માટે ? અથવા તમારા ઘૂંટણને છુપાવવા માટે ? શું આ માટે તાળીઓ પડતી રહેશે ?
આ પણ વાંચો:Citadel Trailer 2 Out: સિટાડેલનું નવું ટ્રેલર રિલીઝ, જુઓ દેશી ગર્લનો રોમેન્ટિક અવતાર
વીડિયોમાં સુષ્મિતા સેનની એન્ટ્રી:વિડિયોમાં અભિનેત્રી સુષ્મિતા સેનની એન્ટ્રી થાય છે અને તે ગૌરીના આ સવાલ પર કહે છે. ના. હવે તાળી પડશે ઉત્સાહ વધારવા માટે, એક નવી ઓળખ બનાવવા માટે, માત્ર હાથ જ નહીં, પણ બે દિલ પણ જોડવા માટે. સુષ્મિતા સેન ટૂંક સમયમાં ટ્રાન્સજેન્ડર સોશિયલ વર્કર શ્રી ગૌરી સાવંતની બાયોપિકમાં તેના પાત્રમાં જોવા મળશે. તાજેતરમાં સુષ્મિતા સેને આ સિરીઝના ડબિંગનું પ્રોમો વર્ક પૂર્ણ કર્યું છે. આ સિરીઝનું નિર્દેશન રવિ જાધવે કર્યું છે.
