Ilu Ilu Gujarati Film: સોનાલી લેલે દેસાઈની આગામી ફિલ્મના શીર્ષકની કરી જાહેરાત, પોસ્ટર કર્યું શેર

તાજેતરમાં રિલીઝ થયેલી 'હું અને તું' ફિલ્મમાં શાનદાર અભિનય કર્યા બાદ ઢોલિવુડ અભિનેત્રી સોનાલી લેલે દેસાઈ ફરી એક વાર બોક્સ ઓફિસ પર પોતાનો જાદુ ચલાવવા માટે આવી રહી છે. હાલમાં જ તેમણે પોતાની આગામી નવી ફિલ્મનું ટાઈટલ અનેે પ્રથમ ઝલક સોશિયલ મીડિયા પર ચાહકો સાથે શેર કરી છે.

અમદાવાદ: સોનાલી લેલે દેસાઈએ પોતાની આગામી ગુજરાતી ફિલ્મના ટાઈટલની જાહેરાત કરી છે અને સાથે ફર્સ્ટ ઝલક પણ શેર કરી છે. સોનાલી લેલેએ ફિલ્મનું ટાઈટલ અને ફર્સ્ટ લુક શેર કરીને કેપ્શનમાં લખ્યું છે કે. "વક્રતુંડ મહાકાય, સુર્યકોટી સમપ્રભ, નિર્વિઘ્નં કુરુમે દેવ, સર્વ કાર્યેષુ સર્વદા". આગળ વધુમાં લખ્યું છે કે, ''આ શુભ દિવસે અમે અમારી આગામી મલ્ટી-સ્ટારર ગુજરાતી ફિચર ફિલ્મ 'ઈલુ ઈલુ'ના શીર્ષક અને પ્રથમ લુકની જાહેરાત કરીએ છીએ. કૃપા કરીને અમારી આખી ટીમને તમારો પ્રેમ અને આશીર્વાદ આપો.''

સોનાલીની આગામી ફિલ્મનું શીર્ષક-પોસ્ટર: સોનાલી લેલેએ તારીખ 19 સપ્ટેમ્બરના રોજ એક શાનદાર પોસ્ટર રિલીઝ કર્યું છે. પોસ્ટરમાં ફિલ્મનું ટાઈટલ ઈલુ ઈલુ ઈન્ગ્લિશમાં લખ્યું છે. જ્યારે મેહુલ ભોજક દ્વારા શેર કરવામાં આવેલા પોસ્ટરમાં ગુજરાતી ભાષામાં ફિલ્મનું ટાઈટલ લખેલું જોવા મળે છે. આ પોસ્ટરમાં લખ્યું છે કે, 26 વર્ષે આ કડલાની જોડ પાછી મળશે ? આ ફિલ્મ સિદ્ધી વિનાયક ફિલ્મ્સ અને એન્ટરટેઈનમેન્ટ દ્વારા પ્રસ્તુત છે. આ ફિલ્મનું પોસ્ટર શેર થતા જ ચાહકો અભિનંદન પાઠવી રહ્યા છે.

ફિલ્મની સ્ટારકાસ્ટ પર એક નજર કરો: ફિલ્મની સ્ટારકાસ્ટમાં જોઈએ તો, પૂજા ભટ્ટ, સોનાલી લેલે, ફિરોજ ઈરાની, હેમાન્ગ દવે, નીસુબાબા, અર્ચના ત્રીદેવી, મૌલિક ચૌહાણ, ચેતન દૈયા, મનીશા નાર્કર, તપન પ્રજાપતિ સામેલ છે. આ ફિલ્મના ડાયરેક્ટર રવી સચદેવ અને પાર્થ શુક્લા છે. લેખક ભાવિન ભોજક અને સહલેખક મૌલીન પરમાર અને પાર્થ શુક્લા છે. નિર્માતામાં હાર્દિક ભોજક, રવી સચદેવ, કનીશ્ક સમીર તેજુરા અને સહનિર્માતામાં ધ્રુવીન દક્શેશ શાહ, મિત કરીયા અને જય કરીયા સામેલ છે.