હૈદરાબાદઃ બોલિવૂડના 'બાદશાહ' શાહરૂખ ખાન (Shah Rukh Khan) ફરી એકવાર ફિલ્મ ઈન્ડસ્ટ્રીમાં સક્રિય થઈ ગયા છે. વર્ષ 2018માં 'ઝીરો' ફ્લોપ થયા બાદ શાહરૂખ ખાને વર્ષ 2022માં 'પઠાણ' અને 'ડંકી' ફિલ્મોની જાહેરાત (Shah rukh Khan announced new film ) કરીને ચાહકોના ચહેરા પર ખુશી લાવવાનું કામ કર્યું. હવે શાહરૂખ ચાહકો માટે વધુ એક મોટી ભેટ લઈને આવ્યો છે. 'પઠાણ' અને 'ડંકી' પછી શાહરૂખે 3 જૂને તેની ત્રીજી ફિલ્મની જાહેરાત કરી (Shah Rukh Khan announced his third film on June 3) છે. આ ફિલ્મનું નામ 'જવાન' છે અને તેને સાઉથ ડાયરેક્ટર એટલી બનાવવા જઈ રહ્યા છે.
આ પણ વાંચો:શાહરૂખ ખાનની ફિલ્મ 'જવાન'નો ફર્સ્ટ લૂક થયો વાયરલ
શાહરૂખ ખાનની ડરામણી સ્ટાઈલ: ફિલ્મના ટીઝરમાં શાહરૂખ ખાનની ડરામણી સ્ટાઈલ જોવા મળી રહી છે. આ ફિલ્મ આવતા વર્ષે 2 જૂને રિલીઝ થશે. શાહરૂખ અને સાઉથ ડાયરેક્ટર એટલી આ ફિલ્મ સાથે પહેલીવાર સાથે આવ્યા છે. ફિલ્મ 'જવાન' હિન્દી ઉપરાંત તમિલ, તેલુગુ, મલયાલમ અને કન્નડ ભાષામાં પણ રિલીઝ થશે.
નવી ફિલ્મની જાહેરાત કરવાનો સમય: અગાઉ, શાહરૂખ ખાનના હોમ પ્રોડક્શન હાઉસ રેડ ચિલી એન્ટરટેઈનમેન્ટે 3 જૂને એક પોસ્ટ દ્વારા જણાવ્યું હતું કે તે નવી ફિલ્મની જાહેરાત કરવા જઈ રહ્યો છે. આ સાથે નવી ફિલ્મની જાહેરાત કરવાનો સમય પણ પોસ્ટમાં જણાવવામાં આવ્યો હતો જે બપોરે 2 વાગ્યાનો હતો.