મુંબઈઃદિવાળી પર 'દબંગ' એક્ટર સલમાન ખાન અને કેટરિના કૈફની મોસ્ટ અવેટેડ ફિલ્મ 'ટાઈગર-3' દુનિયાભરમાં રિલીઝ થઈ ગઈ છે. સલમાનના ડેશિંગ એક્શન પેક્ડ લુકની સાથે કેટરિનાની સ્ટાઈલ બોક્સ ઓફિસ પર ધૂમ મચાવી રહી છે અને એક્શન ફિલ્મ 'ટાઈગર-3' જોવા માટે દર્શકો મોટી સંખ્યામાં થિયેટરોમાં પહોંચી રહ્યા છે. ફિલ્મના બ્લોકબસ્ટર દ્રશ્યો પર દર્શકો જોરથી તાળીઓ પાડી રહ્યા છે અને સીટી વગાડી રહ્યા છે. એટલું જ નહીં, 'પઠાણ' અને 'વોર-2'ના રૂપમાં શાહરૂખ ખાન અને રિતિક રોશનના ધમાકેદાર કેમિયોને કારણે ટાઈગર 3 વધુ ખાસ બની ગઈ છે.
શાહરૂખ ખાન અને રિતિક રોશનની એન્ટ્રી:તમને જણાવી દઈએ કે, સલમાન ખાન અને કેટરીના કૈફ સ્ટારર ફિલ્મ 'ટાઈગર-3'ને દર્શકો તરફથી અપાર પ્રેમ મળી રહ્યો છે. સલમાન ખાન, કેટરિના કૈફ અને ઈમરાન હાશ્મીની ત્રિપુટી દર્શકોને મોટી સંખ્યામાં થિયેટરોમાં ખેંચી રહી છે. જ્યારે ચાહકો બહાદુર ટાઈગર, સ્માર્ટ ઝોયા અને ખતરનાક વિલન ઈમરાન હાશ્મીના દરેક સીનને ચીયર કરી રહ્યા હતા, ત્યારે સ્ક્રીન પર 'પઠાણ' શાહરૂખ ખાન અને રિતિક રોશનની એન્ટ્રીએ લોકોને હચમચાવી દિધા હતા.