મુંબઈઃએપલના CEO ટિમ કૂક હાલમાં જ બિઝનેસ ટ્રિપ પર ભારત આવ્યા છે. ટેક જાયન્ટ એપલે સોમવારે મુંબઈમાં તેનો પહેલો રિટેલ સ્ટોર લોન્ચ કર્યો છે. આ ખાસ અવસર પર બોલીવુડ અભિનેત્રી રવિના ટંડન, એઆર રહેમાન, માધુરી દીક્ષિત, મૌની રોય અને તેના પતિ સૂરજ નામ્બિયાર, ગાયક અરમાન મલિક અને ફરાહ ખાન અલી જેવા ઘણા બોલિવૂડ સેલેબ્સ પ્રાઈવેટ સ્ટોર લોન્ચ ઈવેન્ટમાં ઉપસ્થિત રહ્યાં હતાં.
આ પણ વાંચો:South Actor Birthday: અભિનેતા વિક્રમનો 57મો જન્મદિવસ, તેમની નવી ફિલ્મ 'tanglan'નું ટીઝર રિલીઝ
એપલના CEO ટિમ કૂક: સેલિબ્રિટીઓએ તેમના સોશિયલ મીડિયા હેન્ડલ્સ પર Apple CEO સાથેની કેટલીક તસવીર શેર કરી છે. બોલિવૂડ અભિનેત્રી રવિના ટંડન, જેને પદ્મશ્રીથી નવાજવામાં આવી હતી, તેણે તેના ઇન્સ્ટાગ્રામ એકાઉન્ટ પર ઇવેન્ટની કેટલીક તસવીર શેર કરી છે. જેમાં તેણે લખ્યું હતું કે, 'એપલ સીઇઓ ટિમ કૂક સાથે એક નાઇટ આઉટ'. તસવીરમાં અભિનેત્રી તેના પુત્ર રણબીર સાથે એપલના CEO સાથે પોઝ આપતી જોઈ શકાય છે.
એઆર રહમાનની: ઓસ્કાર વિજેતા એઆર રહેમાને પણ એક તસવીર શેર કરી છે અને તેના કેપ્શનમાં લખ્યું છે, ''આપણે શું વાત કરી રહ્યા છીએ ? કોઈ અનુમાન ? એપલ ટિમ કૂક એપલ સ્ટોર મુંબઈ.''
અરમાન મલિક: બોલિવૂડ સિંગર અરમાન મલિકે તેના ઇન્સ્ટાગ્રામ પર ટિમ સાથેની એક સેલ્ફી શેર કરી છે. તેને વ્હાઇટ હાર્ટ ઇમોજી સાથે કેપ્શન આપ્યું, "ભારતના પ્રથમ એપલ સ્ટોરના લોન્ચિંગ સમયે બે દિગ્ગજ લોકોને મળ્યા અને મારું ગીત 'સન માહી' જોયું." કેટલી સુંદર સાંજ.'
કાર્તિકી ગોન્સાલ્વેસ: ઓસ્કાર વિજેતા ડોક્યુમેન્ટ્રી 'ધ એલિફન્ટ વ્હિસ્પર્સ'ના નિર્માતા કાર્તિકી ગોન્સાલ્વેસે એક તસવીર પોસ્ટ કરી અને લખ્યું, 'એપલના CEO ટિમ કૂક સાથે એપલની મીટિંગ નાઈટ ખૂબ જ ખાસ હતી. આ અદ્ભુત પ્રસંગનો ભાગ બનવું અને ઘણા અદ્ભુત લોકોની હાજરીમાં રહેવું એ સન્માનની વાત હતી. ભારતમાં પહેલો સ્ટોર Apple BKCમાં ખૂબ જ જલ્દી ખુલી રહ્યો છે.
આ પણ વાંચો:Welcome Purnima Teaser: વેલકમ પૂર્ણિમાનું બહુપ્રતિક્ષિત ટીઝર રિલીઝ થઈ ગયું છે, જુઓ અહિં ધમાકેદાર વીડિયો
મૌની રોય: કેટલીક તસવીર શેર કરતાં 'નાગિન' ફેમ અભિનેત્રી મૌની રોયે લખ્યું, 'આ દિવસોમાં અને યુગમાં તમે ઘણીવાર તમારી જાતને એક બ્રાન્ડ બનવાનું વિચારતા થાવ છો. હું ભાગ્યશાળી છું કે, હું એવા માણસને મળી જે મારી પેઢીની સૌથી આઇકોનિક બ્રાન્ડ્સમાંથી એક ચલાવે છે. ટિમ કૂક.
નેહા ધૂપિયા: બોલિવૂડ અભિનેત્રી નેહા ધૂપિયાએ લખ્યું, 'શું સ્ટોર છે. શું સ્ટોરી. મુંબઈમાં Apple BKC સ્ટોર મંગળવારથી લોકો માટે કામ કરવાનું શરૂ કરશે. ભારતમાં કંપનીના બીજા આઉટલેટનું ઉદ્ઘાટન ગુરુવારે દિલ્હીના સાકેત મોલમાં કરવામાં આવશે.
