મુંબઈઃબોલિવૂડની જાણીતી ડાન્સર અને એન્ટરટેઈનર રાખી સાવંતના માતા હોસ્પિટલમાં સારવાર હેઠળ છે. પણ રાખીના સંસારમાં એક મોટી તિરાડ પડી ગઈ છે. આદિલ ખાન દુર્રાનીએ એની સાથેના થયેલા નિકાહને સ્વીકારવાનો ઈન્કાર કરી દીધો છે. બોયફ્રેન્ડ પતિ આદિલ ખાને એ પણ સ્વીકારવાની ના પાડી કે બંને પતિ-પત્ની છે. હવે આદિલના આવા વર્તનને કારણે અભિનેત્રી પર દુ:ખનો પહાડ તૂટી પડ્યો છે. જાણે સંસાર શરૂ કરીને રાખીએ મોટી સમસ્યાને આમંત્રણ આપ્યું હોય એવા એના ભાવ સામે આવ્યા છે. આ બધાની વચ્ચે રાખીનો એક વીડિયો સામે આવ્યો છે, જેમાં તે રડીને આદિલ પર રોષ ઠાલવે છે.
રાખીએ રડતા રડતા આ વાત કહી: ખરાબ હાલતમાં છે. તે રડતી રડતી મીડિયાને કહી રહી છે કે હું પરિણીત છું, હું બોલી શકીશ નહીં. વીડિયોમાં સ્પષ્ટપણે જોઈ શકાય છે કે, જ્યારે તેને તેના લગ્ન વિશે પૂછવામાં આવ્યું તો જાણે કંટાળી ગયેલી રાખી પેપની સામે પોતાના આંસુ પાડી દીધા હતા. ડુમા અને ડુસકાઓથી એનું દિલ ભરાઈ આવ્યું હતું. એ પોતાને રોકી શકી નહીં. વીડિયોમાં તે રડતી બોલી રહી છે, “શું કહેવું ? આટલું અપમાન… હું પરિણીત છું, હું બોલી નહીં શકું… મારે મારા સાસરિયાઓનું પણ માન રાખવું છે. હું કંઈ બોલી શકીશ નહીં, મારે મારા સાસરિયાઓની પ્રતિષ્ઠા વિશે વિચારવું પડશે. કારણ કે, આદિલના પરિવારે રાખીનો સ્વીકાર કર્યો હતો. પણ હવે રાખીને બીક એ છે કે, ખખડી રહેલા સંસારની જાણ જો હોંશમાં આવ્યા બાદ માતાને થશે તો શું થશે ? રાખીનો આ વીડિયો બોલિવૂડના કેમેરા પર્સન વિરલ ભાયાણીએ પોતાના ઈન્સ્ટાગ્રામ પર શેર કર્યો છે.